નવી દિલ્હી . કાળઝાળ ગરમીનો સામનો કરી રહેલા દેશવાસીઓ 2022ના ચોમાસાના આગમનની આતુરતાથી રાહ જોઈ રહ્યા છે. હવામાન વિભાગ બાદ હવે ખાનગી હવામાન આગાહી એજન્સીએ પણ ચોમાસાના આગમનને લઈને આગાહી જારી કરી છે કે કયા દિવસે કેરળથી દક્ષિણ પશ્ચિમ ચોમાસું શરૂ થશે. એજન્સીના હવામાનશાસ્ત્રીઓએ તેમની આગાહીમાં જણાવ્યું છે કે આ વર્ષે કેરળમાં પ્રિ-મોન્સુન વરસાદ વ્યાપક અને શક્તિશાળી રહેશે. ચોમાસું 26 મે 2022 ની આસપાસ શરૂ થવાની સંભાવના છે. ચોમાસુ આ સામાન્ય તારીખ કરતાં વહેલું શરૂ થશે. 1961 થી 2019 સુધીના ડેટાના આધારે, ભારતમાં ચોમાસાની શરૂઆતની સામાન્ય તારીખ 1 જૂન છે.
એજન્સીને અપેક્ષા છે કે આગામી ચોમાસું લાંબા સમય સુધી ’98 ટકા સામાન્ય’ રહેશે. જૂનથી સપ્ટેમ્બર સુધીના 4 મહિનાની સરેરાશ અવધિ માટે સામાન્ય અથવા સામાન્ય કરતાં વધુ ચોમાસાનું આ સતત ચોથું વર્ષ હશે. એજન્સીનું કહેવું છે કે કેરળમાં દક્ષિણ-પશ્ચિમ ચોમાસાની શરૂઆત મુખ્યત્વે અરબી સમુદ્ર અને બંગાળની ખાડી પરની દરિયાઈ સ્થિતિ દ્વારા નિયંત્રિત થાય છે. તાજેતરના ચક્રવાત આસાનીએ બંગાળની ખાડીમાં ચોમાસાનો પ્રવાહ સામાન્ય કરતા વહેલો રોકી દીધો હતો.
કેરળમાં 26 મેની આસપાસ ચોમાસુ દસ્તક આપશે
