<a href="https://news4gujarati.com/tag/gujarati-news/" class="st_tag internal_tag" rel="tag" title="Posts tagged with Gujarati News">Gujarati News</a>, News in Gujarati – ગુજરાત સમાચાર | દિવ્ય ભાસ્કર - Divya Bhaskar

Coronated American President Donald Trump is hospitalized

અમેરિકાના રાષ્ટ્રપતિ ડોનાલ્ડ ટ્રમ્પને હોસ્પિટલમાં દાખલ કરવામાં આવ્યા છે અને પ્રાયોગિક કોવિડ-19 સારવાર આપવામાં આવી હતી, પરંતુ તેમણે કહ્યું કે તેઓ “કુશળ” છે. ઉલ્લેખનીય છે કે ટ્રમ્પ અમેરિકન રાષ્ટ્રપતિની ચૂંટણીના એક મહિના પહેલા કોરોનાથી સંક્રમિત થયા છે. પોઝિટીવ આવ્યાના સમાચાર સામે આવ્યા બાદ ટ્રમ્પ જાહેરમાં આવ્યા હતા. રાષ્ટ્રપતિ શુક્રવાર સાંજે વ્હાઇટ હાઉસમાંથી માસ્ક પહેરીને, વોલ્ટર રિવર મિલિટરી હોસ્પિટલ જવા રવાના થયા.

- Advertisement -

વ્હાઇટ હાઉસની અંદર રેકોર્ડ કરવામાં આવેલા અને ટ્વિટર પર જાહેર કરાયેલા 18-સેકન્ડના વીડિયોમાં ટ્રમ્પે મૌન તોડતા કહ્યું કે તેમને હોસ્પિટલમાં દાખલ કરવામાં આવી રહ્યા છે. પ્રેસ સેક્રેટરી કાયલે મેકનેનીએ એક નિવેદનમાં જણાવ્યું હતું કે તબીબી નિષ્ણાતોએ ટ્રમ્પને “આગામી થોડાંક દિવસો માટે વોલટર રીડમાં રાષ્ટ્રપતિ કાર્યાલયમાંથી કામ કરવાની ભલામણ કરી છે.

વ્હાઇટ હાઉસે શુક્રવારે કહ્યું હતું કે અમેરિકન રાષ્ટ્રપતિ ડોનાલ્ડ ટ્રમ્પ વોશિંગ્ટનની બહાર એક સૈન્ય હોસ્પિટલમાં આવનારા દિવસોમાં કોરોનાવાયરસની સારવાર માટે પસાર કરશે, પરંતુ કામ કરવાનું ચાલુ રાખશે. ડોનાલ્ડ ટ્રમ્પને કોવિડ-19 ની સારવાર માટે હોસ્પિટલમાં લઈ જવામાં આવ્યા છે. તેમના ડૉક્ટર અને તબીબી નિષ્ણાતોની સલાહ પર આમ કરવામાં આવ્યું છે.

અગાઉ અમેરિકન રાષ્ટ્રપતિ ડોનાલ્ડ ટ્રમ્પના કેમ્પેઇન મેનેજરે કહ્યું હતું કે નવેમ્બરમાં રાષ્ટ્રપતિની ચૂંટણી પહેલા ટ્રમ્પના ચૂંટણી પ્રચાર કાર્યક્રમો વર્ચ્યુઅલ આયોજીત કરાશે. આ નિર્ણય ટ્રમ્પના કોવિડ-19થી સંક્રમિત થયા બાદ લેવાયો છે. ટ્રમ્પના કેમ્પેઇન મેનેજરે કહ્યું કે રાષ્ટ્રપતિની ભાગીદારી સાથે જોડાયેલા તમામ પૂર્વ ઘોષિત અભિયાન કાર્યક્રમ વર્યુઅલી આયોજીત કરાશે કે તેમને સ્થગિત કરી શકે છે.

કેમ્પેઇન મેનેજરે એક નિવેદનમાં જણાવ્યું હતું કે ફર્સ્ટ લેડી મેલાનિયા ટ્રમ્પ સાથે જોડાયેલા કાર્યક્રમોને મોકૂફ કરી દેવામાં આવ્યા છે. તેમણે કહ્યું કે આ અભિયાનના અન્ય તમામ કાર્યક્રમો એક પછી એક નક્કી કરવામાં આવશે અને અમે આગામી દિવસોમાં કોઈ પ્રાસંગિક જાહેરાત કરીશું. જો કે ઉપરાષ્ટ્રપતિ માઇક પેન્સ ચૂંટણી પ્રચાર ચાલુ રાખશે.

આ પણ વાંચો:-  હળવદમાં સોશિયલ ડિસ્ટન્સિંગના લીરેલીરા ઉડ્યા, પાન પાર્લર આગળ મોટાભાગના લોકોએ માસ્ક વગર લાઈનો લગાવી

આપને જણાવી દઈએ કે રાષ્ટ્રપતિ ડોનાલ્ડ ટ્રમ્પ અમેરિકન રાષ્ટ્રપતિની ચૂંટણી પહેલા પોઝિટિવ હોવાનું જાણવા મળ્યું છે. રાષ્ટ્રપતિ ટ્રમ્પે શુક્રવારે કહ્યું હતું કે તેઓ અને ફર્સ્ટ લેડી મેલેનિયા સંક્રમિત થયા છે. ટ્રમ્પે ટ્વીટ કરીને આ માહિતી આપી હતી. ટ્રમ્પે એક ટ્વિટમાં લખ્યું કે, “આજે રાત્રે મારો અને મેલેનિયાનો તપાસ રિપોર્ટ પોઝિટીવ આવ્યો છે. અમે અમારી કોરેન્ટાઇન અને રિકવરી પ્રક્રિયા ઝડપથી શરૂ કરીશું.”

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -