• અરજદારે કહ્યું – દિલ્હીમાં ચૂંટણી દરમિયાન રહેશે, એટલા માટે ઝડપથી શાહીનબાગ ખાલી કરાવવાનો આદેશ આપો 
  • જસ્ટિસ એસકે કૌલે કહ્યું કે, ચૂંટણીના કારણે જ અમે આ કેસની સુનાવણી સોમવારે કરીશું 

નવી દિલ્હીઃ દિલ્હીમાં વિધાનસભા ચૂંટણીના એક દિવસ પહેલા જ ે શાહીનબાગમાંથી દેખાવકારોને હટાવવાની માંગ કરનારી અરજી પર સુનાવણી કરી છે. જસ્ટિસ એસકે કૌલ અને જસ્ટિસ કેએમ જોસેફની બેન્ચે સુનાવણી દરમિયાન કહ્યું કે, અમે તકલીફ સમજીએ છીએ, પરંતુ અમારે એ આ સમસ્યાનો નિવેડો કેવી રીતે લાવવો તેના વિશે પણ વિચારવું પડશે. અરજદારે કહ્યું કે, દિલ્હીમાં 8 ફેબ્રુઆરીના રોજ ચૂંટણી છે, એવામાં ટ્રાફિકની સમસ્યાઓને ધ્યાનમાં રાખતા શાહીનબાગ પર તાત્કાલિક આદેશ આપવામાં આવે. જો કે, જસ્ટિસ કોલે ઈશારામાં ચૂંટણીને જ તેમનો આદેશ રોકવાનું કારણ ગણાવતા કહ્યું કે, અમે આ કેસમાં આગામી સુનાવણી સોમવારે કરીશું, તેમણે અરજદારને રાહ જોવાની અપીલ કરી છે.

આ પણ વાંચો:-  હવે દિલ્હીમાં કોવેક્સિનની કમી, સરકારે બંધ કર્યા સેન્ટર


અરજદાર અમિત સાહની આ પહેલા દિલ્હી હાઈકોર્ટમાં પણ અરજી કરીને શાહીનબાગથી દેખાવકારોને હટાવવાની માંગ કરી ચુક્યા છે. જો કે, કોર્ટે કોઈ પણ સત્તાવાર આદેશ વગર અધિકારીઓને આ કેસ જોવા માટે કહ્યું હતું. ત્યારબાદ સાહની તેમની અરજી લઈને સુપ્રીમ કોર્ટ પહોંચ્યા હતા.

Leave a Reply