Gujarati <a href="https://news4gujarati.com/tag/news/" class="st_tag internal_tag" rel="tag" title="Posts tagged with news">News</a>, <a href="https://news4gujarati.com/tag/news/" class="st_tag internal_tag" rel="tag" title="Posts tagged with news">News</a> in Gujarati – ગુજરાત સમાચાર | દિવ્ય ભાસ્કર - Divya Bhaskar

મહિલા બૂટલેગરનું કારસ્તાન: સૈજપુરમાં બંધ આંગણવાડી અને બીજા મકાનના શૌચાલયમાં છૂપાવેલી 672 બોટલ પકડાઈ

અમદાવાદ પોલીસ પસ્તાળ પાડી રહી છે ત્યારે દારૂનો ધંધો કરનારાં અવનવા નુસ્ખા કરીને દારૂનું વેચાણ કરે છે. સૈજપુરમાં એક મહિલા બૂટલેગર અને તેમના પુત્રોએ દારૂની બોટલો આંગણવાડીના બંધ શૌચાલય અને નજીકમાં બંધ પડેલા મકાનના શૌચાલયમાં છૂપાવી હતી. ક્રાઈમ બ્રાન્ચની ટીમે બાતમીના આધારે પુષ્પાબેન અંબાદાસ ગજબે અને તેના બે પુત્રો રતન ઉર્ફે બંટી, ભાવેશ ઉર્ફે બાડિયો સામે ગુનો નોંધી કાર્યવાહી હાથ ધરી છે. 
ક્રાઈમ બ્રાન્ચના PSI એન.એચ. ચુડાસમાએ ફરિયાદ નોંધાવી છે કે, સૈજપુર બોઘામાં રેલવે પાટા પાસે ધુપસીંગની ચાલીમાં રહેતા રતન અંબાદાસ ગજબે, ભાવેશ અંબાદાસ ગજબે નામના બે ભાઈ દારૂ મગાવી પોતાના ઘરે અને ચાલી આજુબાજુના શૌચાલયમાં છૂપાવીને વેચાણ કરે છે તેવી બાતમીથી દરોડો પાડવામાં આવ્યો હતો. પોલીસે બન્ને યુવકના માતા પુષ્પાબહેન ગજબે (ઉ.વ. ૪૭)ને ઝડપી લઈ મકાનોની તપાસ કરતાં કુલ ૧૪ પ્લાસ્ટિકના બેરલમાં છૂપાવીને બંધ શૌચાલયોમાં મૂકવામાં આવેલી દારૂની ૬૭૨ બોટલ કબજે કરી હતી. કુલ ~ ૪.૩૬ કરોડનો મુદ્દામાલ કબજે કરી પુષ્પાબહેનની ધરપકડ કરી તેના બન્ને પુત્રો રતન અને ભાવેશની શોધખોળ હાથ ધરાઈ છે.
ઘાટલોડિયા પોલીસની ટીમે બાતમીના આધારે વરદાન ટાવરથી મેનારવા હોલ થઈ રન્ના પાર્ક જનારી કારને અટકાવી હતી. બાતમીના આધારે વિસ્ટા કારને અટકાવીને તપાસ કરવામાં આવતાં તેમાંથી દારૂની ત્રણ બોટલ મળી આવી હતી. કે.કે. નગરમાં રહેતા અને ટ્રાવેલ્સનો વ્યવસાય કરતા ધર્મેશ ગોવિંદભાઈ પટેલની કારની ડેકીમાંથી દારૂની બોટલો મળી આવતા ધરપકડ કરવામાં આવી છે. દારૂની બોટલો અને કાર મળી કુલ ~ ૧.૫૨ લાખનો મુદ્દામાલ કબજે કરી ઘાટલોડિયા પી.આઈ. પી.એમ. ગામિતે વધુ તપાસ હાથ ધરી છે.

આ પણ વાંચો:-  ટ્રમ્પના કાફલાનું ફરતું કોમ્યુનિકેશન હબ ‘રોડરનર’ કાર શહેરમાં આવી

દારૂબંધી સામે પોલીસનો સ્કોર: 203 કેસ કરી 195ને ઝડપી લીધા

શહેર પોલીસે દારૂબંધીની અમલવારી સખત બનાવવા માટે વિતેલા ૨૪ કલાકમાં કુલ ૨૦૩ કેસ કરી ૧૯૫ વ્યક્તિને ઝડપી લીધા છે. પોલીસે ૪૭૭ લિટર દેશી દારૂ, વિદેશી દારૂની ૫૭ બોટલ અને બે વાહન કબજે કર્યા છે. પોલીસે જુગારના ૯ કેસ કરી ૪૫ શખ્સોને ઝડપી લીધા છે.

- Advertisement -