મહિસાગર નદીમાં પાણીનું સ્તર વધ્યું, વડોદરા પાસેનો મુજપુર પુલ પણ બંધ કરવો પડ્યો.

(GNS),18

વડોદરાના પાદરા વિસ્તારમાંથી પસાર થતી મહિસાગર નદીમાં પાણીનું સ્તર વધતાં વડોદરા નજીકનો મુજપુર બ્રિજ પણ બંધ કરી દેવામાં આવ્યો છે. બેરીકેટ્સ મુકીને પુલ બંધ કરી દેવામાં આવ્યો છે. ફ્લડગેટ બંધ થવાના કારણે પુલ પરથી પસાર થતા વાહનચાલકો પણ મુશ્કેલીમાં મુકાયા છે. નદી કાંઠા વિસ્તારમાં પાણી ભરાયા છે. નદીકાંઠા વિસ્તારના ફાર્મ હાઉસમાં પણ પાણી ભરાઈ ગયા છે. મહીસાગર નદીમાં જળસ્તર વધવાને કારણે પાણીનો ધસમસતો પ્રવાહ વહી રહ્યો છે. આ દ્રશ્યો છે મુજપુર બ્રિજ વિસ્તારના, જ્યાં નજીકના ફાર્મ હાઉસમાં પણ નદીનું પાણી ઓછું થઈ ગયું છે. દ્રશ્યોમાં જોઈ શકાય છે કે મહીસાગર નદીના પાણી નદીના પટની પેલે પાર વહી રહ્યા છે. કંથાણા વિસ્તારમાં પણ નદીમાં પાણી ભરાયાના દ્રશ્યો જોવા મળે છે.