Gujarati <a href="https://news4gujarati.com/tag/news/" class="st_tag internal_tag" rel="tag" title="Posts tagged with news">News</a>, <a href="https://news4gujarati.com/tag/news/" class="st_tag internal_tag" rel="tag" title="Posts tagged with news">News</a> in Gujarati – ગુજરાત સમાચાર | દિવ્ય ભાસ્કર - Divya Bhaskar

– 25 ટકાથી વધુ બસો બંધ, રેલ્વે સ્ટેશન નજીક બંધ બસોનો જમેલો રિક્ષાચાલકોએ તકનો લાભ લઇ વધુ ભાવ પડાવ્યા.

વડોદરા શહેરમાં વિનાયક સીટી બસ સર્વિસ ચાલે છે. હોળીનો તહેવાર હોવાથી તેમજ સ્કૂલો બંધ હોવાથી બસ વ્યવહાર અને રૂટ્સ ફ્રિક્વન્સી ઘટતા લોકોને હેરાન થવાનો વારો આવ્યો છે. રેલ્વે સ્ટેશન નજીક વિનાયક બસોનો જમેલો જામી ગયો છે. વિનાયકની 162 બસો શહેરના 62 રૂટ પર દોડે છે. બીજી બાજુ બસમાં ફરજ બજાવતા ડ્રાઇવરો અને કંડક્ટરો પણ ગોધરા અને દાહોદ બાજુના હોવાથી હોળી-ધુળેટીનો તહેવાર મનાવવા ઘરે રજા પર જતાં તેની અસર જોવા મળી રહી છે. 

વિવિધ રૂટ પર બસોની ફ્રીક્વન્સી ઘટી જતા બસની રાહ જોવાના બદલે લોકો ઉતાવળથી પહોંચવું છે, તેઓ ફરજિયાત રિક્ષાના સહારે ગયા હતા. વિનાયકની આજની બસની સ્થિતિનો રિક્ષાવાળાઓએ પણ લાભ લઈ વધુ ભાડું લીધું હોવાનો આક્ષેપ સામાજિક કાર્યકર અને આરટીઆઇ એક્ટિવિસ્ટએ કરતા કહ્યું હતું કે, સીટી બસ આવશ્યક સેવા છે અને આ રીતે અચાનક રૂટ્સ પર ફ્રિક્વન્સી ઓછી કરી શકાય નહીં. 

આ દરમ્યાન વિનાયકના વર્તુળોએ જણાવ્યું હતું કે, કોઈએ ખોટી વાત ફેલાવી છે માત્ર શાળાઓની બસો બંધ છે. જે સ્ટેશન ખાતે ગોઠવાતાં કોઈએ બસો બંધ હોવાનો તુક્કો લગાવ્યો છે. હાલ 25% બસો બંધ છે. ડ્રાઇવર કન્ડકટરોને નક્કી કરેલા વિકલ્પ દિવસ મુજબ રજા પર મોકલ્યા છે. બધા સામૂહિક રજા પર ગયા નથી 62 રૂટ્સ પર બસ દોડી રહી છે પરંતુ તેની ફ્રીક્વન્સી ઓછી છે. જે બસ પાંચ મિનિટે મળતી હતી તે દસ મિનિટે મળે છે. તેમજ ધુળેટીના દિવસે રજા રહેશે.

આ પણ વાંચો:-  કોંગી નેતા અર્જૂન મોઢવાડિયાએ સરકાર પર મૂક્યા સણસણતા આરોપ, કોરોના પોઝિટીવ આંકડાને લઈ ધડાકો
- Advertisement -