Gujarati News, <a href="https://news4gujarati.com/tag/news-in-gujarati/" class="st_tag internal_tag" rel="tag" title="Posts tagged with News in Gujarati">News in Gujarati</a> – ગુજરાત સમાચાર | દિવ્ય ભાસ્કર - Divya Bhaskar

ગુજરાત વિધાનસભાના સત્ર દરમિયાન નાયબ મુખ્યમંત્રી નીતિન પટેલે ઉદ્યોગકારો માટે મોટી જાહેરાત કરી છે. જ્યાં પણ ઉદ્યોગકારો કહેશે ત્યાં રાજ્ય સરકાર GIDC બનાવી આપશે તેવી જાહેરાત નાયબ મુખ્યમંત્રી નીતિન પટેલે વિધાનસભા ગૃહમાં કરી હતી. આ સાથે નીતિન પટેલે જણાવ્યું કે, રાજ્ય સરકાર જીઆઇડીસી બનાવે છે ત્યાં ઉદ્યોગકારો જતાં નથી, તેના નિરાકરણ માટે સરકારે આ નિર્ણય લીધો છે.

વિધાનસભા ગૃહમાં નીતિન પટેલની આ જાહેરાતથી ગુજરાતના ઉદ્યોગકારનો બખ્ખા થઈ જશે. નીતિન પટેલે ગૃહમાં જણાવ્યું કે, કોઈપણ તાલુકો જે વિસ્તારમાં 50 ઉદ્યોગકારો ભેગા થઈને જીઆઈડીસીની માંગણી કરશે તો એ સંદર્ભે રાજ્ય સરકાર વિચાર કરશે. જીઆઇડીસીમાં મળતાં સબસિડી અને લાભો પણ ઉદ્યોગકારોને આપવામાં આવશે તેવું નીતિન પટેલે જણાવ્યું હતું. રાજ્યમાં અનેક જીઆઇડીસીઓ ખાલી હોવાના કારણે રાજ્ય સરકારે નિર્ણય લીધો છે.

10 વર્ષ પહેલાં દરેક તાલુકામાં GIDC સ્થાપવાની જાહેરાતનો ફિયાસ્કો

વર્ષ 2009માં વિધાનસભામાં સરકારે રાજ્યના તમામ તાલુકાઓમાં GIDC સ્થાપવાની જાહેરાત કરી હતી. જો કે, આ જાહેરાતનું પણ વાઈબ્રન્ટ સમિટોમાં થતાં એમઓયુની ગુલબાંગોની જેમ સૂરસૂરિયું થયું છે. સોમવારે વિપક્ષે ઉઠાવેલાં સવાલોનાં જવાબમાં ગુજરાતના 250 પૈકી 106 તાલુકાઓમાં એકપણ જીઆઈડીસી ન હોવાનું સરકારે વિધાનસભામાં સ્વીકાર્યું હતું. સાથે જ સરકારે એક સવાલના જવાબમાં જણાવ્યું હતું કે, છેલ્લા બે વર્ષમાં માત્ર 8 જ નવી જીઆઈડીસી શરૂ કરવામાં આવી છે. તેવામાં આજે ફરી એકવાર જીઆઈડીસી મામલે કરેલી સરકારની જાહેરાતનો પણ ફિયાસ્કો ન થાય તો સારું.

આ પણ વાંચો:-  50 હજારની વસ્તીએ એક ફાયર સ્ટેશનનો નિયમ છે, છતાં વડોદરામાં 18 લાખની વસ્તીએ માત્ર 6 ફાયર સ્ટેશન
- Advertisement -