સુહાના, ખુશી અને અગસ્ત્યની ફિલ્મ ધ આર્ચીઝનું ટીઝર રિલીઝ

સુહાના ખાન, ખુશી કપૂર અને અગસ્ત્ય નંદાની ફિલ્મ ધ આર્ચીઝનું પોસ્ટર અને ટીઝર રિલીઝ થઈ ગયું છે. આ ત્રણ સ્ટાર કિડ્સ આ ફિલ્મ દ્વારા બોલિવૂડમાં ડેબ્યૂ કરી રહ્યા છે. આ ફિલ્મ ઝોયા અખ્તર બનાવી રહી છે. પોસ્ટરમાં તમે ત્રણ અલગ-અલગ અવતારમાં જોવા મળશે. આ ફિલ્મ ધ આર્ચીસ કોમિકનું રૂપાંતરણ છે. આ ત્રણેય જ્યારે આ ફિલ્મનું શૂટિંગ કરી રહ્યા હતા ત્યારે ત્રણેયના ફોટા ખૂબ વાયરલ થયા હતા. આ ત્રણ ઉપરાંત તેમના માતા-પિતા પણ આ ફિલ્મને લઈને ઉત્સાહિત છે. ચાહકોથી લઈને સેલેબ્સ સુધી આ પોસ્ટર અને ટીઝર પર પ્રેમની વર્ષા થઈ રહી છે. બિગ બીએ તેમની પ્રથમ ફિલ્મનું પોસ્ટર શેર કરીને તેમના પૌત્ર માટે એક ખાસ સંદેશ લખ્યો છે. તેણે લખ્યું, ‘બીજો દીકરો આગળ વધી રહ્યો છે. મારા પૌત્ર… અગસ્ત્ય તને ઘણા આશીર્વાદ. લવ યુ.’