વિશ્વના અબજોપતિઓની યાદીમાં મોટા ઉતાર-ચઢાવ જોવા મળી રહ્યા છે. આ યાદીમાં મુકેશ અંબાણી Meta CEO માર્ક ઝકરબર્ગથી પાછળ છે. માર્ક ઝકરબર્ગ ફોર્બ્સની રિયલ ટાઈમ બિલિયોનેર્સની યાદીમાં 12મા ક્રમે છે, જ્યારે તે બ્લૂમબર્ગ બિલિયોનેર્સ ઈન્ડેક્સમાં 10મા સ્થાને પહોંચી ગયો છે.
બીજી તરફ, ગૌતમ અદાણીએ મોટો છલાંગ લગાવી છે અને અમીરોની યાદીમાં ટોપ 20માં પ્રવેશ કર્યો છે. બ્લૂમબર્ગ બિલિયોનેર્સ ઈન્ડેક્સ અનુસાર, ગૌતમ અદાણી સૌથી અમીર લોકોની યાદીમાં 18માં નંબર પર પહોંચી ગયા છે. અદાણી ગ્રુપના માલિક પાસે હવે $62.9 બિલિયનની નેટવર્થ છે. છેલ્લા 24 કલાક દરમિયાન તેમની સંપત્તિમાં 438 મિલિયન ડોલરનો ઘટાડો થયો છે. જો કે ફોર્બ્સના રિયલ ટાઈમ બિલિયોનેર ઈન્ડેક્સમાં ગૌતમ અદાણી હજુ 24મી નંબર ચાલુ છે છેલ્લા કેટલાક સમયથી અદાણી ગ્રુપની કંપનીઓના શેરમાં જબરદસ્ત ઉછાળો જોવા મળી રહ્યો છે.
અદાણી વિલ્મર, પાવર અને ટ્રાન્સમિશન જેવા શેરોમાં મજબૂત ઉછાળો જોવા મળ્યો હતો. આવી સ્થિતિમાં અદાણી ગ્રુપનું માર્કેટ કેપ પણ વધ્યું છે અને ગૌતમ અદાણીની સંપત્તિમાં પણ વધારો થયો છે. હિંડનબર્ગનો રિપોર્ટ સામે આવ્યા બાદ ગૌતમ અદાણીના ગ્રુપની તમામ કંપનીઓના શેર અને માર્કેટ કેપમાં મોટો ઘટાડો જોવા મળ્યો છે. આવી સ્થિતિમાં ગૌતમ અદાણીની સંપત્તિમાં જોરદાર ઘટાડો નોંધાયો હતો અને તેઓ અમીર લોકોની યાદીમાં ત્રીજા સ્થાનેથી 36માં સ્થાને આવી ગયા હતા. પરંતુ તે પછી તે ઠીક થઈ ગયો.