અમદાવાદ રેલવે સ્ટેશન પર ચોરીના બે બનાવો બન્યા છે. એક ઘટનામાં પેન્ટના આગળના ખિસ્સામાં રાખેલા 35 હજાર રૂપિયાની ચોરી થઈ હતી. જ્યારે અન્ય એક બનાવમાં રૂ. 12,000 રોકડા ધરાવતું મીની પર્સની ચોરી થઈ હતી. બંને ચોરીની ફરિયાદ અમદાવાદ રેલવે પોલીસ સ્ટેશનમાં નોંધાતા પોલીસે ગુનો નોંધી આગળની કાર્યવાહી હાથ ધરી છે.
ખિસ્સામાંથી 35 હજારની ચોરી કરી હતી
અમદાવાદ રેલવે પોલીસમાં નોંધાયેલી ફરિયાદ મુજબ, મધ્યપ્રદેશના કટનીના રહેવાસી સુશીલ કુમાર ભવાનીએ ટ્રેન નંબર-10463 સોમનાથ જબલપુર X જબલપુર જતી ટ્રેનમાં રિઝર્વેશન કરાવ્યું હતું. તે શનિવારે સાંજે લગભગ 6.30 વાગ્યે અમદાવાદમાં પ્લેટફોર્મ નંબર છ પર ટ્રેનમાં ચઢી રહ્યો હતો. તે સમયે તેના પેન્ટના આગળના ખિસ્સામાં 35 હજાર રૂપિયા રોકડા રાખવામાં આવ્યા હતા. મુસાફરોના ટોળામાં કોઇ અજાણ્યો શખ્સ ચોરી કરી ભાગી ગયો હતો. પોલીસે ફરિયાદના આધારે તપાસ હાથ ધરી છે.
મીની પર્સની ચોરી
અમદાવાદના આબુ રોડ, ગોતા ખાતે રહેતા નિવૃત આચાર્ય શંકરલાલ સોનીએ નોંધાવેલી ફરિયાદ મુજબ તેઓ અમદાવાદ રેલવે સ્ટેશનથી પોતાના વતન જવા માટે આવ્યા હતા અને ગરીબનવાઝ એક્સપ્રેસ ટ્રેનની રાહ જોઈ રહ્યા હતા. આ મીની પર્સમાં આધારકાર્ડ, પાનકાર્ડ, ડ્રાઈવીંગ લાઈન, પેન્શનનું મેડિકલ કાર્ડ, સેન્ટ્રલ બેંકનું એટીએમ કાર્ડ અને ફોટો અને 12 હજાર રૂપિયા રોકડા હતા.