બનાસકાંઠા જિલ્લામાં માર્ગ અકસ્માતોનો સિલસિલો જારી રહ્યો છે, જેમાં અનેક લોકો જીવ ગુમાવી રહ્યા છે. ત્યારે ઇકબાલગઢ પાસે ટ્રેલર ચાલકે અચાનક બ્રેક લગાવીને પાછળની ટ્રકને ટક્કર મારી હતી. રાજસ્થાન બાજુથી ટ્રેલર અને ટ્રક આવી રહ્યા હતા. પાલનપુર આબુ હાઇવે પર ઇકબાલગઢ નજીક એક ટ્રેલર ચાલકે અચાનક બ્રેક લગાવી અને ટ્રક ટ્રેલરના પાછળના ભાગે અથડાતા ટ્રક ચાલકે સ્ટિયરિંગ પરનો કાબૂ ગુમાવ્યો હતો અને ડીવાઇડર પર ચઢી ગયો હતો. આજુબાજુના લોકો ઘટના સ્થળે પહોંચી ગયા હતા, પરંતુ ટ્રેલર ચાલક ટ્રેલર મુકીને નાસી ગયો હતો. સ્થાનિક લોકોની મદદથી ટ્રક ચાલકને સારવાર માટે નજીકની હોસ્પિટલમાં દાખલ કરવામાં આવ્યો હતો. બનાવની જાણ થતાં અમીરગઢ પોલીસ તાત્કાલીક ઘટના સ્થળે પહોંચી હતી.અકસ્માતને પગલે હાઇવે પર વાહનવ્યવહાર નિયમન કરી વધુ તપાસ હાથ ધરી છે.