વેસ્ટર્ન ડિસ્ટર્બન્સ તેમજ જમ્મુ અને આસપાસના વિસ્તારમાં ચક્રવાતી પરિભ્રમણને કારણે દક્ષિણ પશ્ચિમ રાજસ્થાન અને આસપાસના વિસ્તારોમાં ચક્રવાતી પરિભ્રમણ સક્રિય થયું છે. આ બંને વ્યવસ્થાની અસર અમદાવાદ સહિત રાજ્યના અનેક વિસ્તારોમાં જોવા મળશે. હવામાન વિભાગે વાદળછાયા આકાશ સાથે કેટલીક જગ્યાએ વીજળીના કડાકા સાથે વરસાદની સંભાવના વ્યક્ત કરી છે. જ્યારે આગામી 24 કલાક દરમિયાન અમદાવાદમાં 30 થી 40 કિમીની ઝડપે પવન ફૂંકાવા સાથે ગાજવીજ અને ભારે વરસાદની શક્યતા છે. ગુજરાતમાં આગામી પાંચ દિવસ સુધી વરસાદ થવાની સંભાવના છે.