જિલ્લા ભૂસ્તર તંત્રની ટીમે તાકીદની તપાસ હાથ ધરી પાલનપુર તાલુકાના મેરવાડા અને જગણાના ડેરી રોડ પરથી ઓવરલોડ ખનીજ ભરેલા બે ડમ્પરોને ઝડપી પાડ્યા હતા. જેમાં બિલ્ડીંગમાંથી પથ્થરો, ખનીજ અને ડમ્પર મળી કુલ રૂ.95 લાખનો માલસામાન જપ્ત કરવામાં આવ્યો હતો અને ખનીજ ચોરી સંદર્ભે ડમ્પર માલિકો સામે શિક્ષાત્મક કાર્યવાહી હાથ ધરવામાં આવી છે. પાલનપુર પંથકમા વિવિધ સ્થળોએ રાત્રીના સમયે મોટા પાયે ખનન અને ખનીજ ચોરી થઇ રહી છે. આ સાથે સરકારની રોયલ્ટીની ચોરી કરવા માટે ઓવરલોડ ખનીજ વહન કરતા વાહનો આવતા હોય ત્યાં ખનીજ ચોરીને ઝડપી પાડવા માટે જિલ્લા ભૂસ્તર તંત્ર દ્વારા ઓચિંતું ચેકીંગ હાથ ધરવામાં આવ્યું હતું. જેમાં પાલનપુરના મેરવાડા નજીક અને જગણામાં ડેરી રોડ પર બિલ્ડીંગ સ્ટોન મિનરલ ભરેલા બે ડમ્પરમાં રોયલ્ટી પાસ કરવા વધુ બિલ્ડીંગ સ્ટોન મિનરલનું વહન થતું હોવાનું જાણવા મળ્યું હતું અને રૂ.95 લાખનો જથ્થો જપ્ત કરવામાં આવ્યો હતો. સાથે જ આ ખનીજ ભરેલા બે ડમ્પરો કલેક્ટર કચેરીએ લાવતા ડમ્પર માલિકો સામે શિક્ષાત્મક કાર્યવાહી કરવામાં આવી છે. જેના કારણે ડમ્પર માલિકોમાં ઓવરલોડ ખનીજ વહન અને રોયલ્ટી ચોરી સામાન્ય બની ગઈ છે.