નવી દિલ્હી. ભારતીય જુનિયર હોકી ટીમે પોતાનું શાસન જાળવી રાખતા કટ્ટર હરીફ પાકિસ્તાનને 2-1થી હરાવીને ચોથી વખત એશિયા કપનો ખિતાબ જીત્યો છે. ભારત તરફથી અંગદ બીર સિંહે 13મી મિનિટે અને અરિજીત સિંહે 20મી મિનિટે ગોલ કર્યા હતા. પાકિસ્તાને એકમાત્ર ગોલ 37મી મિનિટે કર્યો હતો. પાકિસ્તાન તરફથી અબ્દુલ બશારતે આ ગોલ કર્યો હતો. આ સમગ્ર ટૂર્નામેન્ટમાં ભારતીય ટીમનું પ્રદર્શન અણનમ રહ્યું. આ જીત સાથે ભારતીય જુનિયર હોકી ટીમે મલેશિયામાં યોજાનાર ઈન્ટરનેશનલ હોકી ફેડરેશન (FIH) મેન્સ જુનિયર વર્લ્ડ કપ માટે પણ ક્વોલિફાય કરી લીધું છે.
ભારતે આ પહેલા વર્ષ 2004, 2008 અને 2015માં જુનિયર એશિયા કપ હોકીનો ખિતાબ જીત્યો હતો. બીજી તરફ, પાકિસ્તાન આ ટૂર્નામેન્ટ અનુક્રમે વર્ષ 1987, 1992 અને 1996માં ત્રણ વખત જીત્યું છે.
કેપ્ટન ઉત્તમ સિંહ મેન ઓફ ધ મેચ બન્યો
ભારત તરફથી અંગદ બીરે અરિજીતના શોટ પર ગોલપોસ્ટ સુધી પહોંચીને ભારત માટે પહેલો ગોલ કર્યો હતો. અરિજિતે આ લીડને ઘટાડીને 2.0 કરી. હાફ ટાઈમ બાદ પાકિસ્તાનને એક ગોલ કરવામાં સફળતા મળી હતી.
મેચના છેલ્લા ક્વાર્ટર સુધી પાકિસ્તાનની ટીમે મેચને બરોબરી કરાવવાનો ભરપૂર પ્રયાસ કર્યો હતો પરંતુ ભારત તરફથી પાકિસ્તાનને કોઈ છૂટ આપવામાં આવી ન હતી. ભારતીય કેપ્ટન ઉત્તમ સિંહને મેન ઓફ ધ મેચ જાહેર કરવામાં આવ્યો હતો.