ચેન્નાઈ: પાવર કંપની ટાટા પાવરે કોઈમ્બતુરમાં 20 પબ્લિક ઇલેક્ટ્રિક વ્હીકલ (EV) ચાર્જિંગ સ્ટેશન સ્થાપવા માટે કોઈમ્બતુર મ્યુનિસિપલ કોર્પોરેશન સાથે ભાગીદારી કરી છે. કંપનીએ ગુરુવારે આ જાણકારી આપી. તમિલનાડુમાં આ EV ચાર્જિંગ સ્ટેશનોની સ્થાપના પછી, ટાટા પાવર દ્વારા તમિલનાડુમાં સ્થાપવામાં આવેલા કુલ EV ચાર્જિંગ સ્ટેશનોની સંખ્યા વધીને 116 થઈ જશે. આ ચાર્જિંગ સ્ટેશનો કોઈમ્બતુર અને નજીકના શહેરોમાં ઇલેક્ટ્રિક વાહન માલિકોને 24×7 ચાર્જિંગ સેવા તેમજ જાળવણી સુવિધાઓ પ્રદાન કરશે. ટાટા પાવરના બિઝનેસ ડેવલપમેન્ટ (EV ચાર્જિંગ)ના વડા વીરેન્દ્ર ગોયલે જણાવ્યું હતું કે, “કોઈમ્બતુર મ્યુનિસિપલ કોર્પોરેશન અને અન્ય સંસ્થાઓ સાથે ભાગીદારી કરીને અમે ભારતમાં ઈલેક્ટ્રિક વાહનો અપનાવવાનું સરળ બનાવવા ઈચ્છીએ છીએ. EV ચાર્જિંગ સ્ટેશનોને વપરાશકર્તાઓ માટે સરળતાથી સુલભ બનાવવાનો અમારો પ્રયાસ છે.