નવી દિલ્હી. ખેલ જગતમાંથી એક મોટા સમાચાર સામે આવી રહ્યા છે. ઓસ્ટ્રેલિયા ક્રિકેટ ટીમના બેટ્સમેન ડેવિડ વોર્નરે ટેસ્ટ ક્રિકેટને લઈને મોટી જાહેરાત કરી છે. વર્લ્ડ ટેસ્ટ ચેમ્પિયનશિપની ફાઈનલ પહેલા વોર્નરે ઓસ્ટ્રેલિયાની ટીમને મોટો ઝટકો આપ્યો છે. તેણે ટેસ્ટ ક્રિકેટને લઈને પોતાનું સ્ટેન્ડ ક્લિયર કર્યું છે. વાસ્તવમાં ઓસ્ટ્રેલિયાના ખેલાડી ડેવિડ વોર્નરે ટેસ્ટ ક્રિકેટને અલવિદા કહેવાનો નિર્ણય કર્યો છે. ICCએ સોશિયલ મીડિયા દ્વારા આ જાણકારી આપી છે. અનુભવી ખેલાડી ડેવિડ વોર્નર તેની છેલ્લી ટેસ્ટ મેચ પાકિસ્તાન સામે રમશે. ઓસ્ટ્રેલિયા અને પાકિસ્તાન વચ્ચે 3 ટેસ્ટ મેચોની શ્રેણી રમાશે.
શ્રેણીની અંતિમ ટેસ્ટ મેચ 3 થી 7 જાન્યુઆરી 2024 દરમિયાન રમાશે. આ શ્રેણી બાદ તે ટેસ્ટ ક્રિકેટને અલવિદા કહી દેશે. એટલે કે એક વર્ષ પછી તે ટેસ્ટ ક્રિકેટ રમતા જોવા નહીં મળે. જોકે, તે માત્ર ભારત સામે વર્લ્ડ ટેસ્ટ ચેમ્પિયનશિપની ફાઇનલમાં રમતા જોવા મળ્યો હતો. બંને ટીમો WTCની ફાઇનલ મેચ 7 જૂને લંડનના ઓવલમાં રમશે.