નવસારી.
નવસારીના વાંસદાના રહેણાંક વિસ્તારમાં દીપડો જોવાનો વીડિયો વાયરલ થયો છે. જેમાં 2 દીપડા ઝાડ પર ફરતા અને એક દીપડો બચ્ચા સાથે ફરતો હોવાનો વીડિયો વાયરલ થયો છે. બીજી તરફ વાંસદા વનવિભાગે હરકતમાં આવીને દીપડાને પકડવા પાંજરા ગોઠવ્યા છે.
આ પહેલા પણ સુરત, તાપી અને નવસારી જિલ્લામાં દીપડો જોવા મળ્યો હોવાના અહેવાલો છે. દરમિયાન નવસારી જિલ્લાના વાસંદાના રહેણાંક વિસ્તારમાં દીપડાનો પરિવાર જોવા મળ્યો છે. આ ઘટના સ્થાનિક લોકોએ પોતાના મોબાઈલ કેમેરામાં કેદ કરી લીધી હતી. જેનો વીડિયો સોશિયલ મીડિયા પર વાયરલ થઈ રહ્યો છે.
સોશિયલ મીડિયા પર વાયરલ થઈ રહેલા વીડિયોમાં જોઈ શકાય છે કે બે દીપડા એક ઝાડ પર છે, જ્યારે એક દીપડો બચ્ચા સાથે નીચે ઉતરતો જોવા મળી રહ્યો છે. બીજી તરફ રહેણાંક વિસ્તારમાં દીપડાને જોતા ગ્રામજનોમાં ગભરાટ ફેલાયો છે. જણાવવામાં આવી રહ્યું છે કે કાળઝાળ ગરમીના કારણે દીપડો રહેણાંક વિસ્તારમાં ઘુસી ગયો છે. હાલ વાસંદા વનવિભાગ દ્વારા પાંજરું ગોઠવીને દીપડાને પકડવા પ્રયાસો હાથ ધરાયા છે.