પાકિસ્તાન ભૂસ્ખલન: ઉત્તર-પશ્ચિમ પાકિસ્તાનના સરહદી નગર તોરખામ નજીક એક મુખ્ય હાઇવે પર મોટા ભૂસ્ખલનને કારણે ઘણી ટ્રકો જમીન નીચે દટાઈ ગઈ હતી અને કેટલાક લોકો ઘાયલ થયા હતા. પોલીસ અને બચાવ અધિકારીઓએ ઘટનાની જાણકારી આપી હતી. પોલીસ અધિકારી ઈશરત ખાને જણાવ્યું હતું કે અફઘાનિસ્તાન સરહદ નજીક ભૂસ્ખલનથી પ્રભાવિત ટ્રક ડ્રાઈવરો અને અન્ય લોકોના જીવ બચાવવા માટે ઘણા અગ્નિશામકો અને બચાવકર્મીઓ પ્રયાસ કરી રહ્યા છે. અધિકારીઓએ જણાવ્યું કે વરસાદ વચ્ચે વીજળી પડવાના કારણે આ ભૂસ્ખલન થયું.
ઘાયલોને હોસ્પિટલ લઈ જવામાં આવ્યા હતા
ઘટના અંગે વાત કરતા પોલીસ અધિકારી ઈશરત ખાને વધુમાં જણાવ્યું કે ઘાયલોને નજીકની હોસ્પિટલમાં લઈ જવામાં આવ્યા છે. સ્વયંસેવકો પણ બચી ગયેલાઓની શોધમાં મદદ કરી રહ્યા છે. તોરખામ બોર્ડર ક્રોસિંગ એ પાકિસ્તાન અને અફઘાનિસ્તાન વચ્ચેનો એક મુખ્ય વેપાર માર્ગ છે જ્યાં ભૂસ્ખલન ઘણીવાર હાઇવે પર ટ્રાફિકને અવરોધે છે.