ફૂડ એન્ડ ડ્રગ વિભાગે પાલનપુરના આકસાણ રોડ સ્થિત કેરીના રસ કેન્દ્ર પર દરોડો પાડી શંકાસ્પદ કેરીના રસના સેમ્પલ લઈને તપાસ માટે મોકલી આપ્યા હતા. ફૂડ એન્ડ ડ્રગ વિભાગની ફરિયાદના આધારે બનાસકાંઠા જિલ્લામાં પનીર બાદ કેરીના રસ કેન્દ્ર પર દરોડા પાડવામાં આવ્યા હતા. પાલનપુરના આકસન રોડ સ્થિત કેરીના રસ કેન્દ્રની સામે ફૂડ એન્ડ ડ્રગ વિભાગને ફરિયાદ મળી હતી. જેના આધારે આજે અધિકારીઓ કેરીના રસ કેન્દ્ર પર પહોંચ્યા હતા અને શંકાસ્પદ કેરીના રસના સેમ્પલ લઈને તપાસ માટે મોકલી આપ્યા હતા. નોંધનીય છે કે, થોડા દિવસો પહેલા બનાસકાંઠા જિલ્લામાં ફૂડ વિભાગની ટીમ દ્વારા વિવિધ પેઢીઓની ઓચિંતી તપાસ કરવામાં આવી હતી. જેમાં શંકાસ્પદ વસ્તુઓના સેમ્પલ લેવામાં આવ્યા હતા. બે-ત્રણ દિવસમાં વડગામ, છાપી, ડીસા, લાખણી, થરાદમાંથી પનીરના 12 નમુના લેવામાં આવ્યા હતા અને તપાસ માટે અર્થ લેબોરેટરીમાં મોકલવામાં આવ્યા હતા. જે બાદ આજે ફરી ફૂડ એન્ડ ડ્રગ વિભાગે ફરિયાદના આધારે પાલનપુરમાં મેંગો જ્યુસ સેન્ટર પર દરોડો પાડ્યો હતો, જેના સેમ્પલ તપાસ માટે મોકલી આપવામાં આવ્યા છે.