સરહદી બનાસકાંઠા જિલ્લાની પ્રાથમિક શાળાઓમાં અભ્યાસ કરતા બાળકોનું શિક્ષણ સ્તર ઉંચુ લાવવા માટે સરકારે નવા શૈક્ષણિક સત્રથી 647 પ્રાથમિક શાળાઓને ડીજીટલ કોમ્પ્યુટર લેબની ફાળવણી કરી છે. જ્યારે 1313 શાળાઓમાં 3900 જ્ઞાન કુંજ સ્માર્ટ ક્લાસરૂમ શરૂ કરવામાં આવ્યા છે. જેમાં ઈન્ટરનેટ અને સ્માર્ટ એલઈડી દ્વારા બાળકોને ગુણવત્તાયુક્ત શિક્ષણ આપવામાં આવશે. જેના કારણે ગરીબ અને મધ્યમ વર્ગના બાળકોને પણ ખાનગી શાળાઓની જેમ સરકારી શાળાઓમાં પણ સુવિધા અને શિક્ષણ મળી રહ્યું છે. સરકારી પ્રાથમિક શાળાઓમાં ભણતા ગરીબ અને મધ્યમ વર્ગના બાળકો ખાનગી શાળાની જેમ ગુણવત્તાસભર શિક્ષણ મેળવી શકે તે માટે રાજ્ય સરકાર દ્વારા સરકારી શાળાઓમાં ડીજીટલ કોમ્પ્યુટર અને જ્ઞાન કુંજ સ્માર્ટ વર્ગો શરૂ કરવામાં આવ્યા છે. જેમાં બનાસકાંઠા જિલ્લામાં નવા શૈક્ષણિક સત્રથી 647 પ્રાથમિક શાળાઓમાં બાળકોને કોમ્પ્યુટરનું જ્ઞાન આપવા માટે ડીજીટલ કોમ્પ્યુટર લેબની ફાળવણી કરવામાં આવી છે. જ્યારે 1313 શાળાઓમાં 3900 જ્ઞાન કુંજ વર્ગો શરૂ કરવામાં આવ્યા છે જેથી સરકારી શાળાના બાળકોને ખાનગી શાળાની જેમ સ્માર્ટ ક્લાસરૂમ મળી શકે. જેમાં શિક્ષકો દ્વારા સ્માર્ટ એલઇડી પર ઇન્ટરનેટની મદદથી બાળકોને શિક્ષણ આપવામાં આવી રહ્યું છે. આ રીતે એક સમયે શિક્ષણ ક્ષેત્રે પછાત ગણાતો બનાસકાંઠા જિલ્લો છેલ્લા કેટલાય સમયથી શિક્ષણ ક્ષેત્રે અઢળક સફળતા હાંસલ કરી રહ્યો છે. પ્રાથમિક શાળાઓમાં શિક્ષણનું સ્તર ઉંચુ લાવવા કોમ્પ્યુટર લેબ અને જ્ઞાન કુંજ સ્માર્ટ કલાસ જેવી સુવિધાઓ ઉપલબ્ધ કરાવવાથી જિલ્લાની સરકારી શાળાઓમાં અભ્યાસ કરતા ગરીબ અને મધ્યમ વર્ગના બાળકો પણ ગુણવત્તાસભર શિક્ષણ મેળવી શકશે.