આજકાલ વાહન ચોરીના બનાવો વધી રહ્યા છે. મોજશોખ પૂરો કરવા યુવાનો કોઈપણ વાહનના તાળા તોડી ચોરીના બનાવોને અંજામ આપે છે. ત્યારે બાયડના સાતંબા ગામની મુખ્ય બજારમાં પણ આવી જ ઘટના બની હતી. જો કે આ સમગ્ર ઘટના સીસીટીવીમાં પણ કેદ થઈ ગઈ છે.
આજે બાયડ તાલુકાના સાથંબા ગામનો એક ખેડૂત ધંધાકીય હેતુસર બાઇક લઇને મુખ્ય બજારમાં આવેલી દુકાને ગયો હતો અને દુકાન આગળ બાઇક પાર્ક કરીને દુકાને ગયો હતો. ત્યારે જ કાળો શર્ટ પહેરેલો એક ઈસમ પોતાની કુશળતાથી પાર્ક કરેલી બાઇકનું લોક તોડીને તરત જ નીકળી જાય છે. આ સમગ્ર ઘટના સીસીટીવીમાં કેદ થઈ ગઈ છે. ત્યારે સાતંબા પોલીસે સીસીટીવીના આધારે બાઇક ચોરની શોધખોળ હાથ ધરી છે.