બાયડના બાવા મઠ ગામમાં રોડની કિનારે વાવેલ લીમડાનું ઝાડ પવનના સામાન્ય ઝાપટાથી અચાનક ધરાશાયી થયું હતું. જો કે વૃક્ષ પડ્યું ત્યારે ત્યાંથી કોઈ વ્યક્તિ કે વાહન પસાર થયું ન હતું. જેથી કોઈને ઈજા કે નુકસાન થયું ન હતું પરંતુ જાહેર માર્ગ પર વૃક્ષો પડવાથી વાહનવ્યવહાર ખોરવાઈ ગયો હતો. તંત્રએ વૃક્ષ હટાવી રસ્તો પુનઃસ્થાપિત કરવાની કામગીરી હાથ ધરી છે.
તંત્રએ ચોમાસા પહેલા કે કોઈપણ મોટા ચક્રવાત કે અન્ય કોઈ વાવાઝોડા દરમિયાન જોખમી વૃક્ષો કે જોખમી મકાનો દૂર કરવાના હોય છે. આજે રસ્તા પર ઘણા જોખમી વૃક્ષો છે. જો તે વૃક્ષો હટાવવામાં નહીં આવે તો વાવાઝોડા દરમિયાન નુકસાનકારક વૃક્ષોને કારણે જાનહાનિ કે ટ્રાફિકને નુકસાન થવાની સંભાવના છે. ત્યારે તંત્ર કુંભકર્ણની નિંદ્રામાંથી જાગે તે જરૂરી છે.