સમગ્ર ગુજરાતમાં વાતાવરણમાં પલટો આવ્યો છે. આજે દ્વારકામાં તોફાની પવન સાથે મુશળધાર કમોસમી વરસાદ થયો છે. હવામાન વિભાગે આપેલી માહિતી મુજબ રાજ્યના 56 તાલુકાઓમાં વરસાદ થયો છે. જેમાં સૌથી વધુ વરસાદ છ તાલુકામાં નોંધાયો છે. તેમાં ગોંડલ, મોરબી, જામનગર, જામકંડોરણા, કોટડાસાંગાણી, માંગરોળનો સમાવેશ થાય છે. ગોંડલમાં દોઢ ઈંચ, મોરબીમાં એક ઈંચ, જામનગરમાં અડધો ઈંચ.
ખંભાળિયા તાલુકાના હાંજડાપર અને આસપાસના ગામોમાં પણ વરસાદના સમાચાર છે. સવારથી સતત વરસાદ પડી રહ્યો છે.
ભારે વરસાદને કારણે ખેતરોમાં પાણી ભરાયા છે, ચોમાસામાં પણ વરસાદ ન પડે તેવા દ્રશ્યો આજે જોવા મળ્યા હતા.
વરસાદના કારણે ઉનાળાની ઋતુ હોવા છતાં વાતાવરણમાં ઠંડક પ્રસરી હતી.