ઇડી વિભાગે ભાવનગર શહેરમાં કેમ્પ લગાવ્યો છે. જેમાં શહેરના વિવિધ વિસ્તારોમાં ED વિભાગના દરોડા ચાલુ છે. મળતી માહિતી મુજબ, EDએ તપાસ માટે શહેરના વાઘવાડી રોડ સ્થિત ખાનગી બેંકના એક કર્મચારીને ઝડપી લીધો છે.
આ સાથે ED વિભાગની એક ટીમ પણ તપાસ માટે શહેરના કાળીયાબીડ વિસ્તારમાં પહોંચી છે. આજે સવારથી ED વિભાગની તપાસ ચાલી રહી છે. જેમાં ભાવનગરના વિવિધ વિસ્તારોમાં EDના દરોડાના કારણે વેપારીઓમાં ભયનો માહોલ ફેલાયો છે. જેમાં ખાનગી બેંકના 3 કર્મચારીઓની પૂછપરછ કરવામાં આવી રહી છે. જેમાં વાઘવાડી રોડ સ્થિત ખાનગી બેંકના કર્મચારીની પૂછપરછ કરવામાં આવી છે. બોગસ બિલિંગમાં સંડોવાયેલા લોકોની તપાસ કરવામાં આવશે તેમ સૂત્રોએ જણાવ્યું છે. કાળીયાબીડ વિસ્તારમાં પણ EDના દરોડા પડ્યા છે. જેમાં ભાવનગરમાં જુદી જુદી 15 જેટલી ટીમો દ્વારા તપાસ કરવામાં આવી રહી છે.