મહેસાણા તાલુકાના નવી સેઢવી ગામમાં રહેતા 50 વર્ષીય પ્રજાપતિ અશોકભાઈ ગામના બ્રહ્માણી માતાના મંદિરે દર્શન કરીને પરત ઘરે જઈ રહ્યા હતા. દરમિયાન GJ 05 BV 9620 ના ડમ્પર ચાલક રાવલ રમણભાઈ રામભાઈએ બેદરકારીથી ડમ્પર હંકારી રોડ પર જઈ રહેલા એક આધેડને ટક્કર મારી હતી. દરમિયાન ડમ્પરનું ટાયર તેના માથા અને છાતીમાં અથડાતા ગંભીર ઇજાઓ પહોંચી હતી. જ્યાં અશોકભાઈનું ઘટનાસ્થળે જ દર્દનાક મોત નિપજ્યું હતું. સમગ્ર મામલાની જાણ પરિજનોને થતાં તેઓ ઘટના સ્થળે પહોંચી ગયા હતા. આ સાથે લગનજ પોલીસ સ્ટેશનમાં ટક્કર મારનાર ડમ્પર ચાલક સામે પણ ફરિયાદ નોંધાઈ છે.