મે માસ બાદ હવે પીજીવીસીએલ દ્વારા જુનના બીજા સપ્તાહથી દરોડાની ઝુંબેશ શરૂ કરવામાં આવી છે. રાજકોટ શહેરમાં આજે ફરી પીજીવીસીએલની કોર્પોરેટ ટીમ દ્વારા રાજકોટ શહેર સર્કલ વિભાગ 3 હેઠળના વિસ્તારમાં અલગ-અલગ 36 ટીમો દ્વારા વીજ ચકાસણી હાથ ધરવામાં આવી હતી. ઉલ્લેખનીય છે કે ગત મે માસમાં પીજીવીસીએલ દ્વારા રાજકોટ શહેરના વિવિધ વિસ્તારોમાં દરોડા પાડીને કુલ રૂ.1.14 કરોડથી વધુની વીજ ચોરી ઝડપાઇ હતી.
રાજકોટ શહેરી વિસ્તારમાં વીજ ચેકીંગ માટે સઘન ઝુંબેશ ચલાવવામાં આવી રહી છે. મે માસ બાદ જુનના બીજા સપ્તાહનો પ્રારંભ થતા રાજકોટ શહેરી વિસ્તારની 36 જુદી-જુદી ટીમોએ આજે સવારથી ખોખડલ ગામ, શીતળાધર, નારાયણ નગર, માછોનગર, હરિદ્વાર સોસાયટી અને સીતારામ સોસાયટી તેમજ અન્ય વિસ્તારોમાં કવાયત શરૂ કરી છે. …જેમાં કુલ 4 ફીડરનો સમાવેશ થાય છે. આજની ચેકીંગ ડ્રાઈવમાં કુલ 4 વિડીયોગ્રાફર, 15 સ્થાનિક પોલીસ અને 12 એસઆરપીનો સમાવેશ કરવામાં આવ્યો છે.
ઉલ્લેખનીય છે કે મે માસ દરમિયાન રાજકોટ શહેરમાંથી કુલ 1 કરોડ 14 લાખથી વધુ વીજ ચોરીના કિસ્સા પ્રકાશમાં આવ્યા છે. આ અભિયાન શહેરી વિસ્તારોમાં 5 દિવસ સુધી ચલાવવામાં આવ્યું હતું. પહેલા દિવસે 25.03 લાખ, બીજા દિવસે 25.75 લાખ, ત્રીજા દિવસે 23.71 લાખ, ચોથા દિવસે 22.71 લાખ અને પાંચમા દિવસે 18.03 લાખની કમાણી કરી હતી.