રાજકોટ સમાચાર: રાજકોટમાં મોડી રાત્રે પુરપાટ ઝડપે આવતી કારે બાઇક સવારને ટક્કર મારી હતી. અકસ્માતમાં ગંભીર રીતે ઘવાયેલા બાઇક સવારનું મોત નીપજ્યું હતું. જ્યારે કાર ચાલક અકસ્માત બાદ કાર ત્યાં જ મૂકીને નાસી ગયો હતો. બનાવની જાણ થતા પોલીસે ઘટના સ્થળે પહોંચી આગળની કાર્યવાહી હાથ ધરી હતી.
બનાવની પ્રાપ્ત વિગતો મુજબ રાજકોટના 150 રીંગ રોડ પર રામાપીર ચોકડીના પુલ નજીકથી એક કાર પૂરપાટ ઝડપે પસાર થઈ રહી હતી. તે જ સમયે આ કારે ત્યાં જઈ રહેલા બાઇક સવારને ટક્કર મારી હતી. અકસ્માતમાં બાઇક સવારના મોત બાદ કાર ચાલકે ભાગવાનો પ્રયાસ કર્યો હતો, પરંતુ રાત્રે ભારે ટ્રાફિક અને અકસ્માત બાદ આવતા લોકો જોતા કાર ચાલક કાર છોડીને ભાગી ગયો હતો.
અકસ્માતની જાણ થતા જ લોકો ઘટના સ્થળે પહોંચી ગયા હતા. જોકે, લોકો તેના સુધી પહોંચે તે પહેલા કાર ચાલક ઘટનાસ્થળેથી ભાગી ગયો હતો. ઘટના અંગે એકઠા થયેલા લોકોએ પોલીસને જાણ કરી હતી. ઘટનાની જાણ થતા પોલીસે ઘટના સ્થળે પહોંચી ફરાર કાર ચાલકને ઝડપી લેવા કાર્યવાહી હાથ ધરી છે. આ બનાવની ગ્રાંડીગ્રામ પોલીસે તપાસ હાથ ધરી છે.