દ્વારકા સમાચાર : દેવભૂમિ દ્વારકા જિલ્લાના જામ ખંભાળિયા ખાતે ગૌશાળાના હિતમાં ડાયરાનું આયોજન કરવામાં આવ્યું હતું. આ ડાયરામાં લાખો રૂપિયાનો વરસાદ થયો હતો. જો કે, ડાયરામાં હાજર એક PSI પણ ચર્ચામાં આવ્યો છે કારણ કે તેના પર પૈસાનો વરસાદ કરવામાં આવી રહ્યો છે.
જામ ખંભાળિયા ખાતે યોજાયેલા આ ડાયરામાં રાજભા ગઢવી અને દેવાયત ખાવડ સહિતના કલાકારોએ રજૂઆત કરી હતી. જેમાં મોરબી જીલ્લાના માળીયા પોલીસ સ્ટેશનના પીએસઆઈ નારણભા ગઢવી પણ હાજર રહ્યા હતા. દર્શકો દ્વારા કલાકારો પર પૈસાનો વરસાદ કરવામાં આવી રહ્યો હતો. તે સમયે પીએસઆઈ પણ ઉભા થઈ ગયા હતા અને કલાકારો પર પૈસા ફેંકવા લાગ્યા હતા.
પીએસઆઈ દ્વારા પૈસાની ઉઘરાણી કરવામાં આવી હોવાની ચર્ચાએ જોર પકડ્યું છે. નોંધનીય છે કે PSI નારણભા ગઢવી અગાઉ પોરબંદર એલસીબીમાં પણ ફરજ બજાવી ચૂક્યા છે. જણાવી દઈએ કે, જામ ખંભાળિયા સ્થિત ગૌશાળાના લાભાર્થે આયોજીત આ ડાયરામાં ઉપસ્થિત શ્રોતાઓ દ્વારા કરાયેલા નાણાના વરસાદમાંથી અંદાજે 80 લાખ રૂપિયા એકત્ર થયા છે.