મુંબઈ રિલાયન્સ ઇન્ડસ્ટ્રીઝ અને આઇટી શેરોમાં ખરીદી વચ્ચે શુક્રવારે શરૂઆતના વેપારમાં મુખ્ય શેર સૂચકાંકો વધ્યા હતા.
આ દરમિયાન બીએસઈનો 30 શેરો વાળા પ્રમુખ ઈન્ડેક્સ સેન્સેક્સ 134 અંક વધીને 59,766.37 ના સ્તર પર પહોંચી ગયા છે. વ્યાપક NSE નિફ્ટી 36.4 પોઈન્ટ વધીને 17,660.85 પર હતો.સેન્સેક્સ પેકમાં HCL ટેક્નોલોજીસ બે ટકા વધીને ટોપ ગેનર હતી. આ સિવાય કોટક મહિન્દ્રા બેંક, ઇન્ડસઇન્ડ બેંક, એશિયન પેઇન્ટ્સ, ટાઇટન, વિપ્રો, ઇન્ફોસીસ, સન ફાર્મા, ટાટા કન્સલ્ટન્સી સર્વિસીસ, બજાજ ફાઇનાન્સ અને રિલાયન્સ ઇન્ડસ્ટ્રીઝના શેરમાં મોટો ફાયદો થયો હતો.
બીજી તરફ ટાટા સ્ટીલ, ટેક મહિન્દ્રા, મારુતિ, ટાટા મોટર્સ, અલ્ટ્રાટેક સિમેન્ટ અને લાર્સન એન્ડ ટુબ્રોમાં ઘટાડો નોંધાયો હતો.એશિયાના અન્ય બજારોમાં જાપાનનો નિક્કી, હોંગકોંગનો હેંગસેંગ, દક્ષિણ કોરિયાનો કોસ્પી અને ચીનનો શાંઘાઈ કમ્પોઝિટ લાલ નિશાનમાં હતો. ગુરુવારે યુએસ બજારો નુકસાન સાથે બંધ થયા હતા.ગુરુવારે સેન્સેક્સ 64.55 પોઈન્ટ અથવા 0.11 ટકા વધીને 59,632.35 પર બંધ થયો હતો, જ્યારે નિફ્ટી 5.70 પોઈન્ટ અથવા 0.03 ટકાના ઉછાળા સાથે 17,624.45 પર બંધ થયો હતો.
દરમિયાન, વૈશ્વિક ઓઇલ બેન્ચમાર્ક બ્રેન્ટ ક્રૂડ 0.09 ટકા ઘટીને $81.03 પ્રતિ બેરલ પર હતું. શેરબજારના ડેટા અનુસાર વિદેશી પોર્ટફોલિયો રોકાણકારો (FPIs)એ ગુરુવારે રૂ. 1,169.32 કરોડના શેરનું વેચાણ કર્યું હતું.