મુંબઈઃ વિદેશી ફંડોની સતત ખરીદીના કારણે શેરબજારોમાં મંગળવારે સતત ચોથા ટ્રેડિંગ સેશનમાં તેજી જારી રહી હતી. આ સમયગાળા દરમિયાન BSE ના 30 શેરો વાળા પ્રમુખ ઈન્ડેક્સ સેન્સેક્સ 131.32 પોઈન્ટ વધીને 62,977.70 ના સ્તર પર પહોંચી ગયા છે. NSE નિફ્ટી 49.6 પોઈન્ટ વધીને 18,648.25 પર હતો. આઇટીસી, અલ્ટ્રાટેક સિમેન્ટ, કોટક મહિન્દ્રા બેંક, એચસીએલ ટેક્નોલોજીસ, એનટીપીસી, ટાઇટન, ભારતી એરટેલ, બજાજ ફાઇનાન્સ, લાર્સન એન્ડ ટુબ્રો અને રિલાયન્સ ઇન્ડસ્ટ્રીઝ સેન્સેક્સ પર મુખ્ય ગેનર્સમાં હતા.
બીજી તરફ નેસ્લે, ટાટા સ્ટીલ, HDFC, ટાટા કન્સલ્ટન્સી સર્વિસિસ અને HDFC બેન્કમાં ઘટાડો થયો હતો. વિદેશી સંસ્થાકીય રોકાણકારો (FIIs) એ સોમવારે રૂ. 1,758.16 કરોડના શેરની ખરીદી કરી હતી, એમ શેરબજારના ડેટા અનુસાર. દરમિયાન, વૈશ્વિક તેલ બેન્ચમાર્ક બ્રેન્ટ ક્રૂડ 0.52 ટકા ઘટીને $76.67 પ્રતિ બેરલ પર હતું. સોમવારે સેન્સેક્સ 344.69 પોઈન્ટ્સ અથવા 0.55 ટકા વધીને 62,846.38 પર બંધ થયો હતો, જ્યારે નિફ્ટી 99.30 પોઈન્ટ્સ અથવા 0.54 ટકાના ઉછાળા સાથે 18,598.65 પર બંધ થયો હતો.