સુરતમાં પણ હાર્ટ એટેકથી મોતનો સિલસિલો અટકવાનું નામ નથી લઈ રહ્યો. વહેલી સવારે 50 વર્ષીય મહિલાને યોગ કર્યા પછી છાતીમાં દુખાવો થયો. જેથી તેને તાત્કાલિક ઓટોરિક્ષામાં સિવિલ હોસ્પિટલમાં સારવાર માટે લઈ જવાયો હતો. જ્યાં હોસ્પિટલમાં ફરજ પરના તબીબે તેને તપાસીને મૃત જાહેર કર્યો હતો. હાર્ટ એટેકના કારણે મૃત્યુ થયાની શક્યતા તબીબે વ્યક્ત કરી છે.
સુરતના ગીતા નગરમાં 42 વર્ષીય વ્યક્તિનું હાર્ટ એટેકથી મોત થયું હતું. રમાશંકર ત્રિવારી ઘરમાં પાણી ભરી રહ્યા હતા ત્યારે અચાનક તેમને છાતીમાં દુખાવો થયો. બાદમાં તેને સારવાર માટે હોસ્પિટલમાં લઈ જવામાં આવતાં તબીબોએ તેને મૃત જાહેર કર્યો હતો. રમાશંકર ત્રિવાડીને કોઈ શારીરિક બિમારી નહોતી. લેમ્સ ખાતામાં કામ કરીને પરિવારને મદદ કરતો હતો. અચાનક હૃદયરોગના હુમલાથી મોત નિપજતાં પરિવારમાં શોકની લાગણી ફેલાઇ છે. પાંડેસરા પોલીસ ઘટના સ્થળે પહોંચી હતી
હારીજ, પાટણ જિલ્લામાં હાર્ટ એટેકથી વધુ એકનું મોત.પાટણની રાધા કૃષ્ણ ચાલીમાં રહેતા પન્નાલાલ ઠક્કરનું છાતીમાં દુઃખાવો ઉપડતા સારવાર મળે તે પહેલા જ મૃત્યુ થયું હતું. બપોરે 1.30 કલાકે તેમનું અવસાન થતાં પરિવારમાં શોકનો માહોલ છવાયો હતો. પાટણ જિલ્લામાં છેલ્લા બે મહિનામાં 15થી વધુ લોકોએ હાર્ટ એટેકના કારણે જીવ ગુમાવ્યા છે.
માનવ શરીર સામાન્ય રીતે 98.6°F એટલે કે 37°C તાપમાન જાળવી રાખે છે. જ્યારે તાપમાન થોડું વધે છે, ત્યારે શરીર પરસેવો ઉત્પન્ન કરીને અને રક્તવાહિનીઓને ફેલાવીને પોતાને ઠંડુ કરવાનો પ્રયાસ કરે છે. પરંતુ જ્યારે આવું થતું નથી અને રક્તવાહિનીઓના કદમાં વધારો થવાથી હૃદય ઝડપથી ધબકતું હોય છે અને બ્લડ પ્રેશર ઓછું થાય છે, ત્યારે હૃદયના દર્દીઓ માટે સમસ્યા ઊભી થઈ શકે છે.
નબળા હૃદયવાળા લોકો શરીરને ઠંડુ રાખવા માટે પૂરતું લોહી પંપ કરી શકતા નથી. તેથી જ તેઓ બ્લડ પ્રેશરને સામાન્ય રાખી શકતા નથી. જેના કારણે તેમના શરીરનું તાપમાન હાનિકારક સ્તર સુધી વધી શકે છે. કાર્ડિયોલોજિસ્ટ્સનું કહેવું છે કે વધતી ગરમીને કારણે છેલ્લા કેટલાક વર્ષોમાં હૃદય સંબંધિત રોગો ખાસ કરીને હાર્ટ એટેકના કેસ વધી રહ્યા છે.
એવું માનવામાં આવે છે કે શિયાળામાં હાર્ટ એટેકનો ખતરો વધી જાય છે, પરંતુ નિષ્ણાતોના મતે માત્ર ઠંડી જ નહીં પરંતુ વધુ ગરમી પણ હાર્ટ એટેકનું જોખમ વધારી શકે છે. એટલા માટે હૃદયના દર્દીઓએ બંને પરિસ્થિતિમાં સાવચેત રહેવું જોઈએ. હીટ વેવની સ્થિતિમાં હાર્ટ એટેકની શક્યતા વધી જાય છે. આનું કારણ એ છે કે શરીરના ચયાપચયને તેનું સામાન્ય તાપમાન 37 °C (98.6 °F) જાળવવા માટે સખત મહેનત કરવી પડે છે, જે હૃદય પર તાણ લાવે છે.