એપ્રિલના અંતિમ દિવસે ભારતીય શેરબજાર જોરદાર તેજી સાથે બંધ થયું હતું. આ સપ્તાહે સતત ચોથા દિવસે રોકાણકારોએ ભારતીય શેરબજારમાં ખરીદી કરી હતી. ટ્રેડિંગના અંતે BSE સેન્સેક્સ 348 પોઈન્ટના ઉછાળા સાથે 60,649 પર બંધ થયો હતો, જ્યારે નેશનલ સ્ટોક એક્સચેન્જનો નિફ્ટી 101 પોઈન્ટના ઉછાળા સાથે 17,915 પર બંધ થયો હતો. બજાજ ટ્વિન્સ, આઈટીસી, ઈન્ફોસિસ અને બજાજ ઓટોમાં વૃદ્ધિને પગલે ગુરુવારે શરૂઆતના વેપારમાં બેન્ચમાર્ક સૂચકાંકો અસ્થિર હતા. S&P BSE સેન્સેક્સ 250 પોઈન્ટ વધીને 60,550ના સ્તરે જ્યારે નિફ્ટી 50 માસિક F&Oના અંત પહેલા 17,900ના સ્તરે બંધ થતો જોવા મળ્યો હતો.