શું તમે પણ હેલ્મેટ પહેરીને કરી રહ્યા છો આ ભૂલ?… ઘણા લોકો હેલ્મેટ પહેરે છે પરંતુ માત્ર ઔપચારિકતા માટે. એટલે કે તમે હેલ્મેટ પહેરી છે પરંતુ તે તમારા માથાના અડધા ભાગ પર લટકેલી રહે છે અથવા તેનો પટ્ટો જોડાયેલ નથી, તો આવી સ્થિતિમાં હેલ્મેટ પહેરવું નકામું છે. આનું કારણ એ છે કે અકસ્માત સમયે, તે હેલ્મેટ સરળતાથી તમારા માથા પરથી ઉતરી શકે છે, અથવા રસ્તા પર ચાલતા અન્ય વ્યક્તિને પણ ઇજા પહોંચાડી શકે છે.
1,000નો દંડ ફટકારવામાં આવશે… આવી ઘટનાઓને રોકવા માટે, માર્ગ અને પરિવહન મંત્રાલયની સૂચના પર મોટર વાહન અધિનિયમ (1988) માં નવો કાયદો ઉમેરવામાં આવ્યો છે. જે અંતર્ગત આવા ટુ-વ્હીલર ચાલકો પર 1,000નો દંડ થઈ શકે છે. બીજી તરફ, જો તમે હેલ્મેટ પહેર્યું હોય પરંતુ તે ડુપ્લિકેટ હોય અથવા ISI માર્ક વગરનું હોય, તો પકડાય તો તમને 1000 રૂપિયાનો દંડ થઈ શકે છે. તમને જણાવી દઈએ કે હેલ્મેટ ન પહેરવા પર 2000 રૂપિયાના દંડની જોગવાઈ છે.
આ રીતે હેલ્મેટ પહેરો
કોઈપણ ટુ-વ્હીલરનો ઉપયોગ કરતી વખતે હેલ્મેટ પહેરવું જરૂરી છે. જો તમારી સાથે પીલિયન રાઇડર હોય તો તેના માટે પણ હેલ્મેટ ફરજિયાત છે. મંત્રાલયના આંકડા અનુસાર, માર્ગ અકસ્માતમાં ટુ-વ્હીલર ચાલકોનો મૃત્યુદર સૌથી વધુ છે. તમારા માથાને બંધબેસતું હેલ્મેટ પહેરો. તમારી સાઈઝ કરતા મોટી કે નાની હેલ્મેટ ન ખરીદો. હેલ્મેટ પહેર્યા પછી, તેના પટ્ટા પર આપેલા લોકને બાંધવાનું ભૂલશો નહીં. ધ્યાન રાખો કે તમારું હેલ્મેટ ક્યાંયથી તૂટેલું ન હોવું જોઈએ.