After reaching the highest level, 23 gates of Narmada Dam were opened and 1.10 lakh cusecs of water were released.

સરદાર સરોવર નર્મદા ડેમ આજે તેની ઐતિહાસિક 138.68 મીટરની સપાટીએ પહોંચ્યો છે. ઉપરવાસમાંથી 1.50 લાખ ક્યૂસેક પાણીની આવક થતાં નર્મદા ડેમમાં જળ સપાટીમાં વધારો થયો છે. જેને પગલે નર્મદા ડેમના 23 દરવાજા ખોલીને ડેમમાંથી 1.10 લાખ ક્યૂસેક પાણી છોડવામાં આવ્યું છે. જેને પગલે નર્મદા નદી કાંઠાના નર્મદા, વડોદરા અને ભરૂચ જિલ્લાના 52 ગામને ફરી એલર્ટ કરવામાં આવ્યા છે. જોકે હાલ પૂરની સ્થિતિનું નિર્માણ થાય તેવી કોઇ શક્યતા નથી. નર્મદા ડેમમાં આવક જેટલી જાવક કરીને હાલ ડેમની સપાટી 138.68 મીટર જાળવી રાખવામાં આવી રહી છે.

23 દરવાજા અને RBPHના 6 યુનિટમાંથી 1.50 લાખ ક્યૂસેક પાણી છોડાયું
સરદાર સરોવર છલોછલ ભરાઇ જતા નર્મદા નિગમના તમામ અધિકારીઓ નર્મદા ડેમ પર સ્ટેન્ડ બાય થઇ ગયા છે અને ઉપરવાસમાંથી આવનારી પાણી આવક પર તંત્ર વોચ રાખી રહ્યું છે. સરદાર સરોવર નર્મદા ડેમની પાણીની સપાટી જાળવવા ફરી પાછા ડેમના 23 દરવાજા 60 સે.મી. ખોલીને 1,10,000 ક્યૂસેક પાણી નર્મદા નદીમાં છોડાઈ રહ્યું છે. સરદાર સરોવર નર્મદા ડેમના RBPHના 6 યુનિટ સતત ચાલુ કરાતા 42,000 ક્યૂસેક પાણી નર્મદા નદીમાં જ્યારે CHPH ના 3 યુનિટી સતત ચાલુ કરાતા 13,000 ક્યુસેક પાણી મુખ્ય કેનાલમાં છોડાઈ રહ્યું છે.

સરદાર સરોવરમાં પાણીનો જીવંત જથ્થો 5700 મિલિયન ક્યૂબિક મીટર થયો
સરદાર સરોવર ડેમમાં પાણીની આવક 1,50,000 ક્યૂસેક છે જેની સામે પાણીની જાવક 1,10,000 ક્યુસેક છે. સરદાર સરોવર નર્મદા ડેમના ગેટ અને RBPH દ્વારા નર્મદા નદીમાં એટલે કે, ભરૂચ તરફ 1,50,000 ક્યૂસેક પાણી છોડાઈ રહ્યું છે. હાલ સરદાર સરોવરમાં પાણીનો જીવંત જથ્થો 5700 મિલિયન ક્યૂબિક મીટર થયો છે. એટલે આમ ચોક્કસ કહી શકાય કે આવનારા બે વર્ષ માટે આ નર્મદા બંધ માંથી પાણીનો જથ્થો ખૂટે નહીં એટલો સંગ્રહિત જથ્થો છે.

આ પણ વાંચો:-  રાજકોટ સિવિલમાં ઓક્સિજનની અછત ન પડે તે માટે 20 હજાર લિટરની વધુ એક ટેન્ક મૂકાશે

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.