Gujarati <a href="https://news4gujarati.com/tag/news/" class="st_tag internal_tag" rel="tag" title="Posts tagged with news">News</a>, <a href="https://news4gujarati.com/tag/news/" class="st_tag internal_tag" rel="tag" title="Posts tagged with news">News</a> in Gujarati – ગુજરાત સમાચાર | દિવ્ય ભાસ્કર - Divya Bhaskar

3 including husband and wife and cousin killed when building under construction collapses in Bawamanpura, Vadodara

વડોદરા શહેરના પાણીગેટ વિસ્તારના બાવામાનપુરામાં સોમવારે મોડી રાત્રે 3 માળનું બિલ્ડિંગ ધરાશાયી થતાં 9 લોકો દબાયા હતા. ફાયરબ્રિગેડે તાબડતોબ રેસ્ક્યૂ ઓપરેશન હાથ ધરી 9 પૈકી 1 બાળક સહિત 3ને બહાર કાઢ્યા હતા. જોકે તે પૈકીના બે પિતરાઈ ભાઈઓ અને એકની પત્ની મળીને કુલ 3 લોકોનાં બિલ્ડિંગ ધરાશાયી થતાં મોત થયાં છે, જ્યારે બિલ્ડિંગ બનાવનાર કોન્ટ્રેક્ટર દુર્ઘટના બાદ ફરાર થઈ ગયો છે.

- Advertisement -

6 મહિનાથી બિલ્ડિંગ બની રહ્યું હતું, આખરી કામ ચાલતું હતું
પાણીગેટના બાવામાનપુરામાં 6 મહિનાથી બિલ્ડિંગનું નિર્માણકાર્ય ચાલતું હતું. મોહંમદભાઈ નામની વ્યક્તિ નીચે દુકાનો અને ઉપર રહેણાકનું મહાવીરભાઈ નામના કોન્ટ્રેક્ટર પાસે કામ કરાવતા હતા. જ્યારે બિલ્ડિંગના નિર્માણકાર્યમાં રાજસ્થાનના ગામ કુશલગઢ જિલ્લો બાંસવાડાના મજૂરો ત્યાં જ રહીને મજૂરી કામ કરતા હતા. બિલ્ડિંગનું મોટા ભાગનું કામ પૂરું થઈ ગયું હતું. જ્યારે રાજસ્થાનના બાંસવાડા જિલ્લાના મજૂરો નિર્માણાધીન મકાનની અંદર રહીને ત્યાં જ કામ કરતા હતા. તેથી બિલ્ડિંગ ધરાશાયી થતાં 4 લોકો દટાયા હતા, જેમાં પતિ કમલેશ, પત્ની વસાતા અને યુવકનો પિતરાઈ પ્રદીપ તેના કાટમાળમાં દટાતાં મોતને ભેટ્યાં હતાં.

ફાયરબ્રિગેડે LED લાઇટની મદદથી રેસ્ક્યૂ ઓપરેશન કર્યું
પાણીગેટના બાવામાનપુરામાં સોમવારે મોડી રાત્રે 3 માળની ઇમારત ઓચિંતી ધરાશાયી થઈ ગઈ હતી, જેને પગલે 9 વ્યક્તિ કાટમાળ નીચે દબાઈ ગઈ હતી. ધડાકાભેર ઇમારત તૂટી પડતાં આસપાસથી લોકો દોડી આવ્યા હતા. આ અંગે જાણ કરાતાં ફાયરબ્રિગેડે પળભરનો પણ વિલંબ કર્યા વિના LED લાઇટની મદદથી રેસ્ક્યૂ ઓપરેશન હાથ ધર્યું હતું. મોડી રાત સુધી રેસ્ક્યૂ કરીને તમામને બહાર કાઢ્યા હતા. રીતુ માનસિંગ પટેલ (ઉં.વ. 19)ને માથા અને બંને પગે ફ્રેક્ચર થયાં છે અને તેની સયાજી હોસ્પિટલમાં સારવાર ચાલી રહી છે.

આ પણ વાંચો:-  રાજ્યસભામાં બોલ્યા રક્ષામંત્રી રાજનાથ સિંહ- 'ચીનની કથની અને કરણીમાં ફરક'

2 વાહનો પણ કાટમાળ નીચે દબાતાં ખુરદો
આ ઇમારતનું હાલમાં કામ ચાલી રહ્યું હતું. મધરાતે બાવામાનપુરા વિસ્તાર એમ્બ્યુલન્સ અને ફાયરબ્રિગેડની ગાડીઓના સાયરનથી ગુંજી ઊઠ્યો હતો. ઇમારતના ભોંયતળિયે આવેલા સર્વિસ સ્ટેશનમાં પડેલી 2 કાર સહિતનાં વાહનોનો પણ ખુરદો બોલી ગયો હતો.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -