<a href="https://news4gujarati.com/tag/gujarati-news/" class="st_tag internal_tag" rel="tag" title="Posts tagged with Gujarati News">Gujarati News</a>, News in Gujarati – ગુજરાત સમાચાર | દિવ્ય ભાસ્કર - Divya Bhaskar

3 members of the NRI family of Bharuch killed in a car accident in South Africa

સાઉથ આફ્રિકાના પીટર મેરિત્ઝબર્ગમાં મૂળ ભરૂચના પરિવારને કાર અકસ્માત નડ્યો હતો. જેમાં એક જ પરિવારના 3 સભ્યોના મોત થયા છે. અકસ્માતમાં ભરૂચના NRI દંપતી અને પુત્રનું મોત થયું છે, જોકે, સદનસીબે પુત્રીનો બચાવ થયો છે. જેને પગલે ભરૂચ જિલ્લાના આમોદ તાલુકાના કોલવણામાં રહેતા તેમના પરિવારજનોમાં શોકનું મોજુ ફરી વળ્યું છે.

પરિવાર છેલ્લા 10 વર્ષથી સાઉથ આફ્રિકામાં સ્થાયી થયો હતો
ભરૂચ જિલ્લાના આમોદ તાલુકાના કોલવણાના સાકીર પટેલ અને રોજમીના પટેલ છેલ્લા 10 વર્ષથી સાઉથ આફ્રિકામાં સ્થાયી થયા હતા. પરિવાર રાત્રીના સમયે સંબંધીને ત્યાં મળવા જઇ રહ્યો હતો, તે સમયે કાર અકસ્માત નડ્યો હતો. જેમાં દંપતી સાકીર પટેલ અને રોજમીના પટેલનું ઘટના સ્થળે જ મોત થયું હતું. જ્યારે અને ઇજાગ્રસ્ત પુત્રનું હોસ્પિટલમાં સારવાર દરમિયાન મોત નીપજ્યું હતું. જ્યારે પુત્રીનો આબાદ બચાવ થયો હતો.

સંબંધીના ઘરે ન પહોંચતા ફોન કરતા અકસ્માત અંગે જાણ થઇ
સાકીર પટેલ અને રોજમીના પટેલ રાત્રીના સમયે સંબંધીને મળવા માટે જઇ રહ્યા હતા, ત્યારે તેમની કારને અકસ્માત થયો હતો. જોકે સંબંધીના ત્યાં સમયસર ન પહોંચતા તેઓએ સાકીરભાઇને ફોન કર્યો હતો, પરંતુ, કોઇ અન્ય વ્યક્તિએ ફોન ઉપાડ્યો હતો અને સાકીરભાઇની કારને અકસ્માત થયો હોવાની વાત કહી હતી. જેથી તેમના સંબંધીઓ તુરંત જ ઘટના સ્થળે દોડી ગયા હતા અને પોલીસને જાણ કરી હતી. પોલીસે ત્રણેય મૃતદેહને પોસ્ટમોર્ટમ માટે મોકલીને વધુ કાર્યવાહી હાથ ધરી છે.

સાઉથ આફ્રિકાના પીટર મેરિત્ઝબર્ગ કાર અકસ્માતમાં એક જ પરિવારના 3 સભ્યોના મોત થતાં ભરૂચ જિલ્લાના આમોદ તાલુકાના કોલવણામાં રહેતા તેમના પરિવારજનોમાં શોકનું મોજુ ફરી વળ્યું છે.

આ પણ વાંચો:-  ખાનગી સ્કૂલો દ્વારા ફી ઉઘરાવવાનો મામલો, હાઇકોર્ટનો રાજ્ય સરકારને આદેશ

લેટેસ્ટ ન્યૂઝથી અપડેટ રહેવા Gujarati news online તથા exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -