From March to May, 84 companies contributed Rs 7,537 crore

દેશના મોટા ઔદ્યોગિક સમૂહોએ કોરોનાના આ સંકટમાં આગળ આવીને દેશની મોટી મદદ કરી છે. કંપનીઓએ CSRના માધ્યમે મોટો ફાળો આપ્યો છે. માર્ચથી લઈ મે સુધીના સમયમાં 84 કંપનીઓએ 7,537 કરોડ રૂપિયાનો ફાળો આપ્યો છે. આ ફાળાને કંપનીઓના કોર્પોરેટ સોશિયલ રિસ્પોન્સિબિલિટી ફંડ(CSR) હેઠળ માનવામાં આવશે. આ રકમમાંથી 4316 કરોડ રૂપિયાનો ફાળો PM Cares Fundમાં કરવામાં આવ્યો છે. કુલ 113 કંપનીઓએ કોરોના સંકટમાં મદદ માટે ફાળો આપ્યો છે, જેમાંથી 84 કંપનીઓએ CSR હેઠળ મદદ કરી છે.

- Advertisement -

3221 કરોડ રૂપિયા કોરોના રાહત કામથી જોડાયેલા અન્ય કામોમાં ખર્ચ કરવામાં આવી

આ ઉપરાંત બાકીના 3221 કરોડ રૂપિયા કોરોના રાહત કામથી જોડાયેલા અન્ય કામોમાં ખર્ચ કરવામાં આવી છે. CRISILની રિપોર્ટ અનુસાર, ફાળો આપનારી 84 કંપનીઓમાંથી સૌથી વધારે 36 કંપનીઓ મહારાષ્ટ્રની છે. આ કંપનીઓએ કોરોના રાહત કામ પર 4728 કરોડ રૂપિયાની રકમ ખર્ચ કરી છે. જે કુલ ફાળાના 63 ટકાને બરાબર છે.

PM Cares Fundમાં જમા રોકડમાંથી 3100 કરોડ રૂપિયાની રકમ કેન્દ્ર સરકારે વેન્ટિલેટરની ખરીદી

જણાવી દઈએ કે, PM Cares Fundમાં જમા રોકડમાંથી 3100 કરોડ રૂપિયાની રકમ કેન્દ્ર સરકારે વેન્ટિલેટરની ખરીદી, પ્રવાસી શ્રમિકોની મદદ અને દવા વિકાસ માટે રીલિઝ કર્યા છે. આ રકમમાં 2000 કરોડ રૂપિયા વેન્ટિલેટરની ખરીદી માટે આપવામા આવ્યા છે. આ ઉપરાંત 1000 કરોડ રૂપિયા પ્રવાસી શ્રમિકોની મદદ માટે તથા 100 કરોડ રૂપિયા વેક્સિનેશનના વિકાસ માટે ફાળવવામાં આવ્યા છે.

ગુજરાતની કંપનીઓએ માત્ર 7 ટકાનો જ ફાળો આપ્યો છે.

આ ફાળામાં બીજા નંબરે દિલ્હીની કંપનીઓ રહી છે. જેમણે 17 ટકા ફાળો આપ્યો છે. જોકે, પ્રધાનમંત્રી મોદીના ગૃહરાજ્ય ગુજરાતની કંપનીઓએ માત્ર 7 ટકાનો જ ફાળો આપ્યો છે. ક્રિસિલ રિપોર્ટ અનુસાર, ખર્ચ કરનારી 84 કંપનીઓમાંથી 56 ખાનગી ક્ષેત્રની છે અને કુલ 7537 કરોડ રૂપિયાના ફાળામાં તેમની ભાગીદારી બે તૃતિયાંશ છે. તો 24 કંપનીઓ સાર્વજનિક છે અને તેમની ભાગીદારી 30 ટકાની છે. 7 વિદેશી કંપનીઓએ પણ કોરોના સંકટમાં પોતાના CSR ફંડ દ્વારા ફાળો આપ્યો છે.

આ પણ વાંચો:-  આરોગ્ય સેતુ એપમાં છીંડાના હેકર્સના ધડાકા બાદ સરકારે કરી આ જાહેરાત

મોટાભાગની ફર્મ એવી છે જે પોતાના CSR ફંડનો મોટો હિસ્સો NGOના માધ્યમે ખર્ચ કરે છે

ભલે કંપનીઓએ PM Cares Fundમાં મોટો ફાળો આપ્યો છે, પણ મોટાભાગની ફર્મ એવી છે જે પોતાના CSR ફંડનો મોટો હિસ્સો NGOના માધ્યમે ખર્ચ કરે છે. કોરોના કાળ સિવાય 2019માં પણ આ રીતની જ સ્થિતિ જોવા મળી હતી. પણ હવે કોર્પોરેટ અફેયર્સ મિનિસ્ટ્રી તરફથી નિયમોમાં સંશોધનનો પ્રસ્તાવ છે. એવામાં આવનારા સમયમાં આ ટ્રેન્ડમાં અમુક ફેરફારો જોવા મળી શકે છે.

દિલ્હી હાઈકોર્ટમાં એક અરજી દાખલ કરી PM Cares Fundને RTIના દાયરામાં લાવવાની માગ કરવામાં આવી

દિલ્હી હાઈકોર્ટમાં એક અરજી દાખલ કરી PM Cares Fundને RTIના દાયરામાં લાવવાની માગ કરવામાં આવી છે. વકીલ સુરેન્દ્ર સિંહ હુડ્ડા તરફથી દાખલ કરવામાં આવેલી આ અરજી પર દિલ્હી હાઈકોર્ટમાં આજે સુનાવણી થશે. અરજીમાં કહેવામાં આવ્યું છે કે, કોરોના વાયરસને ધ્યાનમાં લેતા જનતા તરફથી PM Cares Fundમાં જમા કરવામાં આવેલી રકમ કેટલી છે? આ જાણવાનો હક કોરોના પીડિતોને છે.

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.