Seven Manipur Congress MLAs accused of supporting BJP-led government in the state

મણિપુરના સાત કોંગ્રેસી ધારાસભ્યો રાજયની ભાજપના નેતૃત્વયુક્ત મોરચા સરકારને ટેકો આપી રહ્યા હોવાનો આક્ષેપ છે. આ ધારાસભ્યોને ગેરલાયક ઠરાવવા માટે અરજી કરાઈ છે. વિધાનસભાના અધ્યક્ષની ટ્રિબ્યુનલ આ અરજી બાબત નિર્ણય લે ત્યાં સુધી મણિપુર હાઈકોર્ટે આ સાત ધારાસભ્યોના રાજય વિધાનસભામાં પ્રવેશ પર પ્રતિબંધ ફરમાવ્યો છે. હાઈકોર્ટના ન્યાયમૂર્તિ કે.એચ.નોબિનની સિંગલ બેન્ચે ઉપરોક્ત પ્રતિબંધક ઓર્ડર પસાર કર્યો છે.

8 નવેમ્બર, 2018ના રોજ અરજી કરવામાં આવી

બેન્ચે કહ્યું કે ધારાસભ્યોની ગેરલાયકાતના મુદ્દે અધ્યક્ષની ટ્રિબ્યુનલમાં 8 નવેમ્બર, 2018ના રોજ અરજી કરવામાં આવી છે. દેશના બંધારણની કલમ-14મા દર્શાવાયેલો સારો એવો સમયગાળો પસાર થઈ જવા છતાં અધ્યક્ષ આ મુદ્દે અનિર્ણિત રહ્યાં છે. કોંગ્રેસના ધારાસભ્યોએ હાઈકોર્ટને અરજ કરી હતી કે સરકારના ટેકેદાર સાત કોંગ્રેસી ધારાસભ્યોને મણિપુર વિધાનસભાના પ્રાંગણમાં પ્રવેશવા દેવાય નહિ.

ધારાસભ્યો વિરૂધ્ધ વ્યક્તિગત પણે અરજી

કોંગ્રેસના સાત અલગ અલગ ધારાસભ્યોએ ઉપરોક્ત સાત ટેકેદાર ધારાસભ્યો વિરૂધ્ધ વ્યક્તિગત પણે અરજી કરી હતી. એક અરજદારે હાઈકોર્ટના નિર્ણયને વધાવતા એને શકવર્તી ચુકાદો ગણાવ્યો છે. હાઈકોર્ટના ઓર્ડરે સાબિત કર્યું છે કે મણિપુરમાં લોકશાહી નિષ્ફળ નીવડી છે, એમ એમણે કહ્યું.

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  બોલીવુડમાં Kareena Kapoor Khan ના 20 વર્ષ પુરા