Cases of coronavirus have increased in Gujarat after lockdown

કોરોના કેસના મામલે ગુજરાત રાજ્ય મુંબઈ, દિલ્હી અને તમિલનાડુને લગોલગ આવી ગયું છે. અહીં કોરોના વાયરસના કેસમાં રાફડો ફાટી નીકળ્યો. લોકડાઉન ખૂલ્યા બાદ ગુજરાતમાં કોરોના વાયરસના કેસ પર કોઈ અંકુશ રહ્યો નથી. ગુજરાતના દરેક જિલ્લામાં રોજેરોજ નવા નવા કેસ સામે આવી રહ્યાં છે. તો બીજી તરફ, ગુજરાત સરકાર કોરોનાનું સંક્રમણ અટકાવવામાં નિષ્ફળ ગઈ હોય તેવું દેખાઈ રહ્યું છે. આવામાં આજે ગુજરાતના કેટલાક જિલ્લામાં વધુ કેસ નોંધાયા છે. 

- Advertisement -

ભરૂચ જિલ્લામાં કોરોના વાયરસનો વિસ્ફોટ થયો છે

ભરૂચ જિલ્લામાં કોરોના વાયરસનો વિસ્ફોટ થયો છે. આજે જિલ્લામાં નવા 7 પોઝિટિવ કેસ નોંધાયા છે. આમ, ભરૂચ જિલ્લામાં પોઝિટિવવ કેસોની સંખ્યા 68 થઈ છે. નવા કેસમાં ભરૂચ, અંકલેશ્વર, આમોદ અને હાંસોટ તાલુકાના વિવિધ વિસ્તારોમાંથી સંક્રમીતો મળ્યાં છે. ભરૂચમાં 1, આમોદમાં 2, હાંસોટમાં 3 અને અંકલેશ્વરમાં 1 કેસ નોંધાયો છે. 

ભરૂચ જિલ્લામાં કોરોના વાયરસથી વધુ એક મોત નોંધાયું છે.

ભરૂચ જિલ્લામાં કોરોના વાયરસથી વધુ એક મોત નોંધાયું છે. આમોદના વાવડી ફળિયામાં રહેતા 58 વર્ષીય મહેબૂબ અલી પટેલનું મોત નિપજ્યું છે. કોરોનાની સારવાર મળે એ પહેલા જ મહેબૂબ અલીને હૃદયરોગનો હુમલો આવતા મોત થયું હતું. આ ભરૂચ જિલ્લામાં કોરોનાથી મોતનો આંક 5 પર પહોંચ્યો છે. તો ભરૂચ બી ડીવીઝન પોલીસે પકડેલ ચોરનો કોરોના રિપોર્ટ પોઝિટિવ નીકળ્યો છે. ચોરી કરવાના ઇરાદે ઘરમાં ઘુસેલ ચોર સાદિક મલેકના કોરોના ટેસ્ટ કરાવતા પોલીસ બેડામાં ફફડાટ ફેલાયો હતો. 

લેટેસ્ટ ન્યૂઝથી અપડેટ રહેવા ( Gujarati news online ) માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  રૂપાણી સરકારનો મોટો નિર્ણય, ભારે વરસાદથી થયેલ નુકસાનીનું ખેડૂતોને વળતર ચૂકવાશે