Sunday, July 25, 2021
More

    Latest Posts

    અમદાવાદમાં RTE હેઠળ એડમિશન માટે માત્ર 3 દિવસમાં જ 9000 ફોર્મ ભરાયા

    9000 forms were filled in just 3 days for admission under RTE in Ahmedabad

    વર્ષે 2012થી RTE હેઠળ એડમીશન શરુ થયા હતા જે બાદ દર વર્ષે નવું શૈક્ષણિક સત્ર શરુ થાય ત્યારે RTE હેઠળ પ્રવેશ પ્રક્રિયા થાય છે. આ વર્ષે 25 જૂનથી RTE હેઠળ એડમીશન માટે ફોર્મ ભરવાના શરુ કરવામાં આવ્યા છે. શરૂઆતના 3 દિવસમાં જ 9000 જેટલા એડમીશન માટે ઓનલાઈન ફોર્મ ભરાયા છે. હજુ 5 જુલાઈ સુધી ફોર્મ ભરી શકાશે જેથી 30,000 કરતા વધુ લોકો ફોર્મ ભારે તેવી શક્યતા છે.

    વર્ષ 2021-22માં શૈક્ષણિક સત્રમાં RTE હેઠળ પ્રવેશ પ્રક્રિયા શરુ થઇ ગઈ છે. 25 જૂનથી 5 જુલાઈ સુધી વાલીઓએ ઓનલાઈન ફોર્મ ભરવાના રહેશે. જે બાદ 10 જુલાઈ સુધી ફોર્મ ચકાસણી કરવામાં આવશે અને તે બાદ 15 જુલાઈએ પ્રવેશ પ્રક્રિયાનો પ્રથમ રાઉન્ડ જાહેર કરવામાં આવશે. 25 જૂનથી 3 દિવસમાં જ 9000 જેટલા ફોર્મ લોકોએ ભર્યા છે. હજુ 8 દિવસ સુધી ફોર્મ ભરી શકાશે જેથી ૩૦,૦૦૦ કરતા વધુ લોકો ફોર્મ ભારે તેવી શક્યતા છે.

    15 જુલાઈથી સ્કૂલની ફાળવણી કરવાની શરૂઆત કરવામાં આવશે. RTE હેઠળ ફોર્મ ભરવા અનેક ડોક્યુમેન્ટ હોવા જરૂરી છે ત્યારે હવે બાળકનો જન્મનો દાખલો ના હોય તો ફિક્સ ફોર્મેટ મુજબ જન્મનું સોગંદનામુ વાલીઓએ કરવું પડશે. અગાઉ પણ RTE હેઠળ એડમિશન લેતા વાલીઓ પાસે બાળકના જન્મનો કોઈ આધાર ના હોય તેમને સોગંદનામુ કરવાનું રહેતું હતું. પરંતુ આ વર્ષે જન્મનો આધાર લીધા વિના પ્રવેશ મેળવવો હશે તો શિક્ષણ વિભાગ દ્વારા ફિક્સ ફોર્મેટ આપવામાં આવ્યું છે, તે ફોર્મેટ પ્રમાણે સોગંદનામુ કરવાનું રહેશે. ખોટું સોગંદનામું હશે તે ગુનો બનશે માટે તમામ વિગતો તકેદારી પૂર્વક સાચી આપવાની રહેશે.

    આ પણ વાંચો:-  સુરતમાં વરાછા ખાતે હોસ્પિટલ બહાર રસ્તા પર પાર્ક કરેલી કારમાં આગ

    નોંધનીય છે કે, 10 હજારથી વધુ ખાનગી સ્કૂલોમાં RTE હેઠળ એડમિશન આપવામાં આવશે. શહેરી વિસ્તારમાં આવક મર્યદા 1.50 લાખ જ્યારે ગ્રામ્ય વિસ્તારમાં 1.20 લાખ રાખવામાં આવી છે. અમદાવાદની ડીઈઓ કચેરીના વહિવટી અધિકારીએ વાલીઓ માટે મહત્વની સુચના આપવામાં આવી છે. અને કહેવામાં આવ્યું છે કે, વાલીઓ જે ફોર્મ ભરે અને ડોક્યુમેન્ટ સબમિટ કરે તેની સારી રીતે ચકાસણી કરી લે અને પછી જ ફોર્મ સબમિટ કરે પછીથી ફોર્મમાં સુધારો થઈ શકશે નહીં. સાથે જ તેઓએ વધુમાં મહિતી આપતા કહ્યું કે, ગયા વર્ષના પ્રમાણમાં આ વર્ષે વધુ વિદ્યાર્થીઓને પ્રવેશ લેવાની તક મળશે.

    આ પણ વાંચો:-  સોમવારથી ધોરણ 9થી 11નાં બાળકોને ઓડ-ઇવન પદ્ધતિથી ભણવું પડશે

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.