Gujarati News, News in Gujarati – ન્યુઝ ફોર ગુજરાતી | ગુજરાત સમાચાર - News4 Gujarati

ACB received assets worth Rs 5 crore from a GPCB official in Jamnagar, Rs 55 lakh in cash

રાજ્યમાં સરકારી બાબુઓ લોકો પાસેથી નાના-નાના કામ કરવાના પણ પૈસા માગી રહ્યા હોવાના અનેક કિસ્સાઓ સામે આવે છે. કેટલાક કિસ્સાઓમાં એન્ટી કરપ્શન બ્યૂરો દ્વારા ટ્રેપ ગોઠવીને આવા અધિકારીઓની ધરપકડ કરવામાં આવે છે. ત્યારે ત્રણ મહિના પહેલા એન્ટી કરપ્શન બ્યુરોએ જામનગર પ્રદૂષણ નિયંત્રણ બોર્ડના પ્રાદેશિક અધિકારી ભાયા સુત્રેજાને 5 લાખ રૂપિયા સાથે ઝડપી પાડયા હતા. ત્યારબાદ તેમની સામે ગુનો દાખલ કરીને કાયદેસરની કાર્યવાહી શરૂ કરી હતી. ભાયા સુત્રેજાની ધરપકડ કર્યા બાદ એન્ટીકરપ્શન બ્યૂરો દ્વારા તેમની સંપત્તિ બાબતે તપાસ કરવામાં આવી હતી. જેમાં સ્ટેટ બેન્ક ઓફ ઇન્ડિયા અને ગાંધીનગર સેક્ટર 21ના લોકરમાંથી 55,69,500 રૂપિયા રોકડા મળ્યા હતા અને સાથે-સાથે સોનાના દાગીના અને સોનાની લગડી મળી 72,22,579નો મુદ્દામાલ મળ્યો હતો. આ મુદ્દામાલમાં 1920.440 ગ્રામ સોનું મળ્યું હતું.

- Advertisement -

સોનાની સાથે 115 ગ્રામની ચાંદીની લગડીની પણ મળી હતી. જેની કિંમત 3,795 રૂપિયા છે. આમ એન્ટી કરપ્શન બ્યુરોને ભાયા સુત્રેજાની સંપત્તિની તપાસ કરતા તેમના બેંકના લોકરમાંથી રોકડ સહિત 1,27,95,874 નો મુદ્દામાલ મળી આવ્યો હતો. બીજી મહત્ત્વની વાત એ છે કે, આરોપી અધિકારીએ પોતાની પત્ની અને દીકરાના નામ પોરબંદરમાં 6, જૂનાગઢમાં 6, અને ગાંધીનગરમાં 13 મિલકતો ખરીદી હતી. તમામ મિલકતોના અધિકારીએ 3,73,671 રૂપિયાના દસ્તાવેજો કર્યા હતા.

સરકારી અધિકારી પાસેથી આટલી મોટી માત્રામાં સંપત્તિ મળી આવતા એન્ટી કરપ્શન બ્યુરોના અધિકારીઓએ પણ ચોંકી ગયા હતા. અગાઉ અધિકારી ભાયા સુત્રેજાએ એન્ટી કરપ્શન બ્યુરો કોર્ટમાં જામીન અરજી કરી હતી પરંતુ કોર્ટ દ્વારા જામીન અરજી નામંજૂર કરવામાં આવી હતી. ત્યારબાદ અધિકારીઓએ ભાયા સુત્રેજા વિરુદ્ધ ગુજરાત હાઇકોર્ટમાં ચાર્જશીટ કરતા ભાયા સુત્રેજાને હાઇકોર્ટમાં કરેલી જામીન અરજી પણ પરત ખેંચવી પડી હતી.

આ પણ વાંચો:-  સરકારના પરિપત્ર પછી પણ FRCની વેબસાઈટમાં શાળાઓની ટ્યુશન ફી વિશેની માહિતી જ નથી઼

આ સમગ્ર મામલાની વાત કરવામાં આવે તો જૂલાઈ મહિનામાં એન્ટી કરપ્શન બ્યુરોને એવી માહિતી મળી હતી કે, જામનગર પોલ્યુશન કંટ્રોલ બોર્ડના પ્રાદેશિક અધિકારી ભાયા સુત્રેજા અવાર નવાર લોકો પાસેથી લાંચની માગણી કરે છે. તેથી એન્ટી કરપ્શન બ્યુરો દ્વારા તેમના પર વોચ રાખવામાં આવી હતી. આ ઉપરાંત ACBને એવું પણ જાણવા મળ્યું હતું કે, ભાયા સુત્રેજા લાંચમાં મળેલી રકમને શનિ અને રવિવારના રોજ ગાંધીનગર તેમના નિવાસસ્થાને લઈને આવે છે. જેથી એક મહિના સુધી વોચ રાખ્યા બાદ જ્યારે ભાયા સુત્રેજા લક્ઝરી ટ્રાવેલ્સમાં ગાંધીનગર આવી રહ્યા હતા. ત્યારે ચ-5 સર્કલ પાસે એન્ટીકરપ્શન બ્યુરોના અધિકારીઓએ વોચ ગોઠવી હતી અને ભાયા સુત્રેજા બસમાંથી નીચે ઉતરતાની સાથે જ પકડી લીધો હતો. ભાયા સુત્રેજાને એક મહિલા કાર લઈને લેવા માટે આવી હતી પરંતુ તો અધિકારી કારમાં બેસે તે પહેલાં જ ACBના હાથે લાગી ગયો હતો અને જ્યારે એન્ટીકરપ્શન બ્યૂરો દ્વારા ભાયા સુત્રેજા પાસે રહેલી સૂટકેસની તપાસ કરવામાં આવી ત્યારે તેમાં ઓફિસના લગતા કાગળો આ ઉપરાંત 4.91 લાખ રૂપિયા રોકડા મળી આવ્યા હતા. આ ઉપરાંત સૂટકેસ સિવાય સુત્રેજા પાસેથી 17,800 રૂપિયા પણ મળ્યા હતા.

લેટેસ્ટ ન્યૂઝથી અપડેટ રહેવા Gujarati news online તથા exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -