Saturday, July 24, 2021
More

    Latest Posts

    મહાભારતમાં ઇન્દ્રની ભૂમિકા ભજવનાર અભિનેતા સતીશ કૌલનું નિધન

    Actor Satish Kaul, who played the role of Indra in the Mahabharata, dies

    મહાભારતમાં ઇન્દ્રની ભૂમિકા ભજવનાર ટીવી અભિનેતા સતીશ કૌલનું કોરોના સંક્રમીત થયા બાદ લુધિયાણામાં અવસાન થયું છે. સતીશ કૌલે ઘણા ટીવી શો અને હિન્દી, પંજાબી ફિલ્મોમાં કામ કર્યું હતું. સતીશ કૌલ લગભગ 300 થી વધુ ફિલ્મોમાં કામ કરી ચૂક્યા છે. અને તેમણે દિલીપકુમાર,દેવ આનંદ,અમિતાભ બચ્ચન અને શાહરૂખ ખાન જેવા દિગ્ગજ કલાકારો સાથે કામ કર્યું હતું. ત્યારે પંજાબના મુખ્યપ્રધાન કેપ્ટન અમરિંદર સિંહે તેમના નિધન પર શોક વ્યક્ત કર્યો છે.

    કાશ્મીરમાં જન્મેલા સતીશ કૌલની ઉંમર લગભગ 72 વર્ષની હતી અને તેમની ઉંમરના અંતિમ તબક્કે હતાશાથી સંઘર્ષ કરી રહ્યા  હતા. સતીશ કૌલે લુધિયાણામાં એક અભિનયની શાળા શરૂ કરી હતી જેમાં તેમને નુકશાન થયું હતું અને બાદમાં અભિનય શાળા બંધ કરવી પડી હતી. તેમનું પારિવારિક જીવન પણ દર્દ ભરેલું હતું, છૂટાછેડા બાદ તેમના પત્ની બાળકો સાથે અમેરિકા શિફ્ટ થઈ ગઈ હતી.

    સતીશ કૌલની હિટ ફિલ્મોની વાત કરવામાં આવે તો, પ્યાર તો હોના હી થા (1998), આન્ટી નંબર-1 (1998), ઝંજીર (1998), યારાના(1995), એલાન(1994), ઇલ્ઝામ (1986), શિવા કા ઇંસાફ (1985) અને કસમ જેવી ફિલ્મોમાં ઘણા મોટા અને દિગ્ગજ કલાકારો સાથે કામ કર્યું હતું. પંજાબી ફિલ્મો વિશે વાત કરીએ તો સતીશ કૌલે આઝાદી, શેરા દે પુટ શેર, મૌલા જટ્ટ, ગુડ્ડો, પટોલા અને પિંગા પ્યાર દીયા જેવી ફિલ્મોમાં કામ કર્યું હતું.

    સતિશ કૌલને પીટીસી પંજાબી ફિલ્મ એવોર્ડમાં લાઇફટાઇમ એચિવમેન્ટ એવોર્ડથી નવાજવામાં આવ્યા હતા. તેમણે બી.આર.ચોપરાના મહાભારતથી લઈને સદીના મહાનાયક સાથે કામ કર્યું છે, પરંતુ જિંદગીના છેલ્લા દિવસોમાં તેઓ આર્થિક તંગીનો સામનો કરી રહ્યા હતા. સતીશ લુધિયાણાના વિવેકાનંદ વૃદ્ધાશ્રમમાં રહેતા હતા અને તેમની પાસે તબીબી બીલ ચૂકવવાના પણ રૂપિયા નહોતા.

    લેટેસ્ટ ન્યૂઝથી અપડેટ રહેવા Gujarati news online તથા Gujrat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

    તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.