Gujarati <a href="https://news4gujarati.com/tag/news/" class="st_tag internal_tag" rel="tag" title="Posts tagged with news">News</a>, <a href="https://news4gujarati.com/tag/news/" class="st_tag internal_tag" rel="tag" title="Posts tagged with news">News</a> in Gujarati – ગુજરાત સમાચાર | દિવ્ય ભાસ્કર - Divya Bhaskar

Admission to government schools has increased by 50 per cent this year due to non-payment of private school fees during the Corona period.

કોરોનાને કારણે વાલીઓ તેમનાં બાળકોને ખાનગીને બદલે સરકારી સ્કૂલોમાં પ્રવેશ અપાવી રહ્યા છે. આ વર્ષે પહેલા ધોરણમાં જૂન મહિનામાં 14,434 વિદ્યાર્થીએ, એટલે કે 50 ટકા વધુએ પ્રવેશ મેળવ્યો છે, જ્યારે ગત વર્ષે 9,542 વિદ્યાર્થીએ એડમિશન લીધાં હતાં, એટલે કે ગત વર્ષ કરતાં 4,892 વધુએ આ વર્ષે પ્રવેશ મેળવ્યો છે, તો પ્રાઇવેટ સ્કૂલોમાં 10 ટકા સુધીના એડમિશન ઘટ્યાં છે.

- Advertisement -

આ અંગે એએમસી સ્કૂલ બોર્ડના શાસનાધિકારી લગધીર દેસાઈએ કહ્યું હતું કે ‘ચાર મહિનામાં આ એડમિશન થયાં છે. છેલ્લાં 5 વર્ષમાં આટલી મોટી સંખ્યા નથી વધી જે આ વર્ષે વધી છે. આ ઉપરાંત સ્કૂલ બોર્ડની તાસીર પણ દિવસ ને દિવસે બદલાઈ રહી છે.’

પ્રાઈવેટ સ્કૂલોની વાત કરવામાં આવે તો આ સ્કૂલોમાં ગત વર્ષ કરતાં એડમિશન ઘટ્યાં છે, જેમાં 5થી 10 ટકા સુધીનો ઘટાડો જોવા મળ્યો છે. જ્યારે એએમસી સ્કૂલોમાં જુનિયર, સિનિયર કેજી તેમજ ધોરણ 1માં પ્રવેશ મેળવનારા વિદ્યાર્થીઓની કુલ સંખ્યા 19,577 છે. ગત વર્ષ 2019માં એએમસી સ્કૂલની આ સંખ્યા 16,500 હતી. ઉદગમ સ્કૂલના એક્ઝિક્યૂટિવ ડિરેક્ટર મનન ચોક્સીએ જણાવ્યું હતું કે ઉદગમમાં આ વર્ષે બે ટકા એડમિશન ઓછાં થયાં છે. ઝેબર સ્કૂલમાં 5 ટકા એડમિશન ઓછાં થયાં છે. આ વખતે ઈન્કવાયરી ઓછી આવી હતી.

યુનિફોર્મ, શિષ્યવૃત્તિ સહિત લાભ મળે છે
ધોરણ 1માં પ્રવેશ પામનારા વિદ્યાર્થીઓને યુનિફોર્મ, વિદ્યાદીપ યોજના અંતર્ગત 50 હજારનું વીમાકવચ, શિષ્યવૃત્તિ બીપીએલ કાર્ડધારક વિદ્યાર્થિનીઓને 2 હજારના વિદ્યાલક્ષ્મી બોન્ડ ઉપરાંત સ્કૂલબેગ, વોટરબેગ, સ્ટેશનરી કિટ વગેરે આપવામાં આવે છે, જે જોતાં પેરેન્ટ્સ પણ પોતાનાં બાળકોને એડમિશન અપાવી રહ્યાં છે.

આ પણ વાંચો:-  101 દિવસ હોસ્પિટલમાં વિતાવનાર ભરતસિંહ બોલ્યા, ‘મારા માટે જેલ કરતા પણ વિકટ સ્થિતિ હતી’

‘અભ્યાસના કલાકો મુજબ ફી લેવી જોઈએ’
ઓલ ગુજરાત વાલીમંડળના પ્રમુખ નરેશ શાહે કહ્યું હતું કે કોરોનામાં પ્રાઈવેટ સ્કૂલોએ પ્રોફિટ કરવાની ક્યાં જરૂર છે. રેગ્યુલર સ્કૂલો ચાલુ હોય ત્યારે આઠ કલાક ભણવાની ફી લેવામાં આવે છે, એ જ ફી અત્યારે 3 કે 4 કલાક ઘેરબેઠાં ઓનલાઈન ભણવાની લેવામાં આવી રહી છે. પ્રાઈવેટ સ્કૂલોએ ફી ના લેવી અથવા તો કામ પ્રમાણે ઓછી લેવી જોઈએ.

‘ઓનલાઇન તો સરકારી સ્કૂલ ભણાવે છે’
એડમિશન લેવા આવી રહ્યા કેટલાક પેરેન્ટ્સ એવું પણ કહી રહ્યા છે કે આખું વર્ષ ઓનલાઈન જ ભણવાનું હોવાથી પ્રાઈવેટ સ્કૂલોમાં ફી શા માટે આપીએ. પ્રાઈવેટ સ્કૂલો ફી ઘટાડતી નથી. એજ્યુકેશન તો મોબાઈલ પર જ અપાઈ રહ્યું છે, જે સરકારી સ્કૂલોમાં પણ મળવાનું જ છે.

એકાદ ટકા જેટલો ફર્ક પડ્યો છે
એચબી કાપડિયા ગ્રુપના મેનેજિંગ ટ્રસ્ટી મુક્તક કાપડિયાએ જણાવ્યું હતું કે આ વર્ષે કોરોનાને કારણે એકાદ ટકા ઓછાં એડમિશન થયાં છે, એનું કારણ સેફ્ટી પણ છે. સરકારી સ્કૂલોમાં એડમિશન વધ્યાં તો એ સારી વાત છે. છેવટે પેરેન્ટ્સ સારું એજ્યુકેશન જ ઈચ્છતા હોય છે.

10 ટકા સુધી એડમિશન ઘટ્યાં
નિર્માણ સ્કૂલના મેનેજિંગ ટ્રસ્ટી આશિષ દેસાઈએ જણાવ્યું હતું કે એપ્રિલ અને મે મહિનામાં એડમિશન થયાં હોય છે, પરંતુ આ વખતે કોરોનાને કારણે આ સમયમાં લોકડાઉન હતું, જેથી એડમિશન 10 ટકા જેટલાં જ ઘટ્યાં છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -