<a href="https://news4gujarati.com/tag/gujarati-news/" class="st_tag internal_tag" rel="tag" title="Posts tagged with Gujarati News">Gujarati News</a>, News in Gujarati – ન્યુઝ ફોર ગુજરાતી | ગુજરાત સમાચાર - <a href="https://news4gujarati.com/tag/news4/" class="st_tag internal_tag" rel="tag" title="Posts tagged with news4">News4</a> Gujarati

Ajju Kaniya, who was involved in 31 crimes, was killed in Vadodara Central Jail

વડોદરા શહેરના માથાભારે અને ખંડણી સહિતના ગુનામાં સંડોવાયેલો કુખ્યાત અજ્જુ કાણીયાની વડોદરા સેન્ટ્રલ જેલમાં હત્યા થઇ છે. અજ્જુ કાણીયાની તાજેતરમાં જ ક્રાઇમ બ્રાન્ચે ધરપકડ કરી હતી, ત્યારબાદ અજ્જુના રિમાન્ડ મેળવી ક્રાઇમ બ્રાન્ચે પૂછપરછ કર્યાં બાદ અજ્જુને જેલ હવાલે કરાયો હતો. છેલ્લા ઘણા સમયથી વડોદરા સેન્ટ્રલ જેલમાં હત્યાના ગુનામાં સંડોવાયેલા અન્ય કેદીઓ સાથે રહેતા અજ્જુને જેલમાં ઉગ્ર બોલાચાલી થયા બાદ તેની પર જીવલેણ હુમલો કરવામાં આવ્યો હતો. જેમાં તેનું સારવાર દરમિયાન સયાજી હોસ્પિટલમાં મોત નિપજ્યું હતું અજ્જુની હત્યાને પગલે જેલમાં ચકચાર મચી જવા પામી હતી.

- Advertisement -

4 મહિના પહેલા અજ્જુ કાણીયાની વડોદરાની શહેરની વાડી પોલીસે અટકાયત કરી હતી. અટકાયતની કાર્યવાહી દરમિયાન પોલીસને ચકમો આપીને અજ્જુ કાણીયો ફરાર થયો હતો. ફરાર અજ્જુ કાણીયાને વડોદરા શહેર ક્રાઇમ બ્રાંચ પકડી લાવી હતી અને તેને વડોદરાની સેન્ટ્રલ જેલમાં ધકેલી દેવામાં આવ્યો હતો. સૂત્રો દ્વારા મળતી માહિતી અનુસાર જેલમાં અજ્જુ કાણીયાની માથાભારે સુનિલ ઉર્ફે સાહિલ મહેશ પરમાર સાથે કોઇ કારણોસર અણબનાવ બન્યો હતો. સુનિલ પરમાર હત્યાના આરોપમાં સજા ભોગવી રહ્યો હોવાનુ જાણવા મળી રહ્યું છે.

સુનિલ અને અજ્જુ વચ્ચે થયેલી માથાકુટમાં સુનિલે છતનું પતરૂ ઉખાડીને અજ્જુ કાણીયાના ગળાના ભાગે ફેરવી દીધું હતું. જેને પગલે અજ્જુ કાણીયો ગંભીર રીતે ઘવાયો હતો. ગંભીર રીતે ઘવાયેલા અજ્જુ કાણીયાને સારવાર અર્થે તાત્કાલીક એસએસજી હોસ્પિટલ ખાતે ખસેડવામાં આવ્યો હતો. જ્યાં સારવાર દરમિયાન ફરજ પરના તબીબોએ તેને મૃત જાહેર કર્યો હતો. આ ઉપરાંત અન્ય એક વ્યક્તિ પણ ઇજાગ્રસ્ત થયો હતો અને બચાવવા માટે વચ્ચે પડેલા કર્મચારીઓ પણ ઇજાગ્રસ્ત થયા હતા. અજ્જુ કાણીયાના ઘર બહાર ચુસ્ત પોલીસ બંદોબસ્ત ગોઠવી દેવામાં આવ્યો છે.

આ પણ વાંચો:-  સૌરાષ્ટ્રના વાતાવરણમાં પલટો, રાજકોટ, અમરેલી અને જામનગરમાં વરસાદ

કુખ્યાત અજ્જુ કાણીયા સામે અત્યાર સુધીમાં હત્યાની કોશિષ, લૂંટ, મારામારી અને ખંડણી જેવા વિવિધ પ્રકારના 31થી વધુ ગંભીર ગુનાઓ નોંધાયેલા છે અને 4 વખત પાસામાં પણ ધકેલાયો હતો, જ્યારે બે વખત તડીપાર થયો હતો.

ઉલ્લેખનીય છે કે, નામચીન અજ્જુ કાણીયા એ પાણીગેટ વિસ્તારના એક વેપારી પાસેથી જમીનનો કબજો પડાવી લેવા માટે 10 લાખની ખંડણી અને ફ્લેટની માગણી કરી હતી. પાણીગેટ માંડવી રોડ પર રેડીમેડ ગારમેન્ટનો શોરૂમ ધરાવતા વેપારીએ તેના મકાનની બાજુમાં જ એક જગ્યા રજીસ્ટર બાનાખતથી રાખી હતી અને તે જમીનનો કબજો પડાવી લેવા માટે નામચીન અજ્જુ કાણીયાએ સોપારી લીધી હતી. આરોપી વલી મહંમદને જમીનનો જમીનનો કબજો સોંપવાનો હતો. આ ગુનામાં પકડાયેલો વાડી પોલીસ મથકમાં અજ્જુ કાણીયાની જૂન મહિનામાં ધરપકડ કરી હતી. તેની સામે કાયદેસરની કાર્યવાહી કરતા અગાઉ વાડી પોલીસના પહેરા હેઠળ તેને કોરોનાનો ટેસ્ટ કરવા સયાજી હોસ્પિટલમાં લઇ જવામાં આવતો હતો, ત્યારે પોલીસને હાથ તાળીને આપીને તે નાસી છૂટ્યો હતો. ક્રાઇમ બ્રાંચે તેને મહેસાણા નજીકથી દબોચ્યો હતો.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -