AMC focuses on immediate corona reporting and tracing strategy

અમદાવાદનો પશ્ચિમ વિસ્તાર હાલ કોરોનાનું સૌથી મોટુ એપિ સેન્ટર બન્યું છે. પશ્ચિમ ભાગના અનેક વિસ્તારોમાં કોરોના (corona virus) નો ફફડાટ ફેલાઈ ગયો છે. ત્યારે એએમસી (AMC) નું તંત્ર ફરી એક્ટિવ થયું છે. અમદાવાદ (Ahmedabad) માં વધુમાં વધુ લોકોના કોરોના ટેસ્ટ થાય એ માટે પ્રયાસ શરૂ કરાયા છે. અમદાવાદ મ્યુનિસિપલ કોર્પોરેશન તરફથી અનેક વિસ્તારોમાં ડોમ બનાવી કોરોના ટેસ્ટિંગ પોઇન્ટ ઉભા કરાયા છે. અમદાવાદના મુખ્ય ચારરસ્તાઓ કે ક્યાં જ્યાં મોટી સંખ્યામાં ભીડ જોવા મળતી હોય છે તેવા સ્થળોએ ચેક પોઇન્ટ બનાવવામાં આવ્યા છે. 

- Advertisement -

PPE કીટ સાથે તૈનાત ટીમ દ્વારા શંકાસ્પદ લોકોના કોરોના ટેસ્ટ કરવામાં આવી રહ્યાં છે. વિનામૂલ્યે ટેસ્ટ કરી તાત્કાલિક કોરોના રિપોર્ટ આપી શંકાસ્પદ વ્યક્તિને ટ્રેસ કરવાની રણનીતિ પર તંત્રએ ફોકસ કર્યું. અખબારનગર ક્યાં જ્યાં મોટી સંખ્યામાં રોજ સવારે લોકો એકઠા થાય છે, તેમના પણ રેન્ડમ ટેસ્ટિંગ શરૂ કરાયા છે. AMC આખરે ફરી એકવાર ટ્રેસિંગ થિયરી પર મજબૂતાઈથી કામે લાગ્યું છે. 

તો બીજી તરફ, Amc સોલિડ વેસ્ટ વિભાગ દ્વારા મોટી કામગીરી કરવામાં આવી છે. કર્ણાવતી ક્લબની સામે આવેલ ખાણીપીણી બજાર સીલ કરવામાં આવ્યું છે. કર્ણાવતી કલબ સામે આવેલ માર્કેટ અને ખાણીપીણીની અનેક દુકાનો સીલ કરાઈ છે. કોવિડ ગાઈડલાઈનનો ભંગ થતો હોવાથી સોલિડ વેસ્ટ વિભાગ દ્વારા આ કાર્યવાહી કરાઈ છે. 

Amc માઈક્રો કન્ટેઈનમેન્ટ ઝોનની નવી યાદી જાહેર ગઈકાલે જાહેર કરાયે છે. જોકે, માઈક્રો કન્ટેઈનમેન્ટ વિસ્તાર મામલે amc ની નંબર ગેમ યથાવત છે. કન્ટાઇનમેન્ટ યાદીમાં સામાન્ય ઘટાડો જોવા મળ્યો છે. અમદાવાદમાં ઠેરઠેર કોરોના કેસનો રાફડો ફાટ્યો હોવા છતા માત્ર 20 વિસ્તાર માઈક્રો કન્ટેઈનમેન્ટની યાદીમાં મૂકાયા છે. અગાઉના 23 વિસ્તારો રદ્દ કરવામાં આવ્યા છે. આમ, શહેરમાં માઈક્રો કન્ટેઇનમેન્ટ વિસ્તારની સંખ્યા 378 પર પહોંચી ગઈ છે. વધતા કેસની સામે માઈક્રો કન્ટેઇનમેન્ટ સંખ્યા સામે પ્રશ્નાર્થ ઉભો થયો છે. 

આ પણ વાંચો:-  અ'વાદના પૂર્વ વિસ્તારને આ કારણોસર ન મળી છૂટછાટ.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.