આ અંગે ખુશી વ્યક્ત કરતા કેન્દ્રીય સંચાર, ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રી અશ્વિની વૈષ્ણવે કહ્યું કે પીએમ મોદીના ‘મેક ઈન ઈન્ડિયા’ કાર્યક્રમ માટે આ એક મોટી જીત છે. તેમણે કહ્યું કે લગભગ રૂ. 91,000 કરોડની નિકાસ દર્શાવે છે કે ભારત વૈશ્વિક મોબાઇલ ડિવાઇસ માર્કેટમાં અગ્રેસર બનવાના માર્ગ પર છે. તે જ સમયે, ઇલેક્ટ્રોનિક્સની નિકાસ પણ 58 ટકા વધીને 1,85,000 કરોડ રૂપિયા થઈ ગઈ છે.
એપલ પછી સેમસંગ
ભારતના આ સ્માર્ટફોન નિકાસમાં એપલનો સૌથી મોટો ફાળો છે. ‘મેડ ઈન ઈન્ડિયા’ iPhonesની નિકાસ સાથે કુલ નિકાસમાં Appleનો હિસ્સો 50 ટકા હોવાનો અંદાજ છે. જ્યારે સેમસંગ આ મામલે બીજા નંબર પર છે. 36,000 કરોડની ફોન નિકાસમાં સેમસંગ ફોનનો હિસ્સો લગભગ 40 ટકા છે. કુલ નિકાસમાં અન્ય કંપનીઓના મોબાઈલ ફોનનો હિસ્સો લગભગ $1.1 બિલિયન રહ્યો છે. બીજી તરફ, સરકાર ચાઈનીઝ કંપનીઓને વધુ નિકાસ કરવા પ્રોત્સાહિત કરતી હોવા છતાં, FY2023માં સ્માર્ટફોનનું વેચાણ 26 ટકા ઘટશે.
ચીની કંપનીઓનો હિસ્સો
એક રિપોર્ટ અનુસાર FY23માં કુલ સ્માર્ટફોન શિપમેન્ટમાં ચીની કંપનીઓનો હિસ્સો માત્ર 1.35 ટકા હતો. જો કે, જ્યારે સ્થાનિક બજારની વાત આવે છે, ત્યારે ચીનની કંપનીઓ બજારમાં પ્રભુત્વ ધરાવે છે. સંયુક્ત રીતે, ચાઇનીઝ કંપનીઓ બજારના 70 ટકાથી વધુ હિસ્સો ધરાવે છે અને ભારતીય વેચાણમાંથી $20 બિલિયનથી વધુની વાર્ષિક આવક એકત્રિત કરે છે.