At the Rajkot Civil Hospital, a staff member, including a security guard, was seen beating a patient

રાજકોટ સિવિલ હોસ્પિટલમાં બેદરકારીના એક પછી એક વીડિયો અને દર્દીઓના આક્ષેપો સાથેના વીડિયો વાઈરલ થઈ રહ્યા છે. ત્યારે આજે રાજકોટ સિવિલ હોસ્પિટલનો વધુ એક વીડિયો વાઈરલ થયો છે. વીડિયોમાં એક દર્દી પાણી આપવાની માંગ કરી રહ્યો છે અને બીજી તરફ સિક્યુરિટી ગાર્ડ અને PPE કીટ પહેરલો સ્ટાફ દર્દી પર બેસીને તેને માર મારી રહ્યો છે. આ વીડિયો અંગે સિવિલના સુપ્રિન્ટેન્ડેન્ટ પંકજ બુચે જણાવ્યું હતું કે, દર્દી પ્રભાશંકર કોરોના પોઝિટિવ છે. તે માનસિક રીતે પીડિત હોવાથી પોતાના કપડાં અને નાકમાં રાખેલી નળીઓ કાઢી રહ્યો હતો. જેથી તેને રોકવાનો પ્રયાસ કરવામાં આવ્યો હતો. બીજી તરફ મહિલાના અંતિમ સંસ્કાર મવડી સ્મશાનમાં કરવાની ના પાડતા પરિવારજનોમાં રોષ જોવા મળ્યો છે.

- Advertisement -

સિવિલના વાઈરલ વીડિયો મુદ્દે સુપ્રિન્ટેન્ડેન્ટની સ્પષ્ટતા
વાઈરલ વીડિયો મુદ્દે સુપ્રિન્ટેન્ડેન્ટ પંકજ બુચે સ્પષ્ટતા કરતા કહ્યું હતું કે, આ વીડિયો 9 સપ્ટેમ્બરનો હતો. દર્દી પ્રભાશંકર પાટીલ માનસિક રીતે પીડિત હોવાથી પોતાના કપડાં અને નાકમાં રાખેલી નળીઓ કાઢી રહ્યો હતો. જેથી તેને રોકવાનો પ્રયાસ કરવામાં આવ્યો હતો. જે વીડિયો અત્યારે વાઈરલ થયો છે. આ અંગે સઘન તપાસ કરવામાં આવશે અને જવાબદારો સામે કાર્યવાહી કરવામાં આવશે. જો કે વીડિયો જોવા છતાં સુપ્રિન્ટેન્ડેન્ટે દર્દીને માર માર્યો હોવાની વાતનો ઈનકાર કર્યો છે. જેથી અનેક સવાલો ઉભા થાય છે.

વીડિયોમાં દર્દી પાણી આપો પાણી આપોની માંગ કરે છે
વીડિયોમાં જોવા મળે છે કે એક દર્દી પાણી આપો પાણી આપો અને મારી નાખો મારી નાખોની બૂમો પાડી રહ્યો છે. જ્યારે સિવિલનો સ્ટાફ તેને માર મારી રહ્યો છે. સ્ટાફના 3થી 4 લોકો દર્દીને તાબે કરતા જોવા મળે છે. એક વ્યક્તિએ તેના બંને હાથ પકડી રાખ્યા હતા અને બીજો વ્યક્તિ માર મારતો જોવા મળ્યો હતો.

આ પણ વાંચો:-  Live : યોગ થકી કોરોના ને કઈ રીતે હરવો, જાણો રોનક કામદાર અને ઈશા કંસારા પાસેથી

સિવિલની દાદાગીરી: મવડી સ્મશાનમાં મહિલાના અંતિમક્રિયા કરવાની ના પાડી
રાજકોટ સિવિલ હોસ્પિટલની વધુ એક દાદાગીરી સામે આવી છે. મૃતક મહિલાના પરિવારજનોએ અંતિમ સંસ્કાર મવડી સ્મશાનમાં કરવા માટે માંગ કરી છે. પરંતુ સિવિલના તંત્રએ ના પાડતા પરિવારજનો અંતિમક્રિયા કરવા માટે રાહ જોઈ રહ્યાં છે. કારણ કે મહિલાની અંતિમ ઈચ્છા મવડી સ્મશાનમાં અંતિમવિધી કરવાની હતી. જેથી પરિવારે મવડી સ્મશાનમાં તપાસ કરતા ત્યાં તેઓ અંતિમક્રિયાની મંજૂરી આપવા તૈયાર છે પણ હોસ્પિટલનો સ્ટાફ ના પાડતો હોવાથી ગત રાતથી અંતિમવિધી માટે પરિવારજનો રાહ જોઈને બેઠા છે. આ સાથે જ પરિવારજનોમાં રોષ પણ જોવા મળી રહ્યો છે.

​​​​​​​સિવિલ સામે લોકોમાં રોષ જોવા મળ્યો
છેલ્લા 15 દિવસથી રાજકોટ સિવિલ હોસ્પિટલના એક પછી એક બેદરકારીના કિસ્સાઓ સામે આવી રહ્યાં છે. જેને લઈને લોકોમાં રોષ જોવા મળી રહ્યો છે. મહત્વનું છે કે ગઈકાલે સિવિલ હોસ્પિટલમાં દર્દીને ઓક્સિજન સાથે લઈ જતી વખતે નવેનવું સ્ટ્રેચર તૂટતાં દોડધામ મચી ગઈ હતી અને તાત્કાલિક નવું સ્ટ્રેચર લાવવામાં આવ્યું હતું. હજુ થોડા દિવસ પહેલાં જ સિવિલ હોસ્પિટલમાં પડેલા ખાડાને કારણે એક દર્દીનું સ્ટ્રેચર ખાડામાં ખાબક્યું હતું, ત્યારે આજે ફરી એક વીડિયો સામે આવતા લોકોમાં રોષ જોવા મળી રહ્યો છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.