Gujarati News, News in Gujarati – ગુજરાત સમાચાર | દિવ્ય ભાસ્કર - Divya Bhaskar

Big fire in HC on the fire safety issue, city hospitals, classics, hotel-restaurants, high-rise buildings, and malls

અમદાવાદમાં ફાયર સેફ્ટી મુદ્દે ચોંકાવનારા આંકડા સામે આવ્યા છે. શહેરના ચીફ ફાયર ઓફિસરે ગુજરાત હાઈકોર્ટમાં ફાયર સેફ્ટી મુદ્દે એક સોગંદનામું રજૂ કર્યું છે, જેમાં ચોંકાવનારા આંકડાથી ખળભળાટ મચી જવા પામ્યો છે. ચીફ ફાયર ઓફિસરે સોગંદનામામાં આપેલી માહિતી પ્રમાણે, શહેરની 2200 પૈકી 700 હોસ્પિટલોમાં ફાયર સેફ્ટી NOC નહીં હોવાનો ખુલાસો થયો છે, આ સિવાય 2385 પૈકી 185 ટ્યૂશન ક્લાસમાં ફાયર NOC નથી. શહેરની 1200 હોટલ રેસ્ટોરન્ટ પૈકી 450માં ફાયર NOC નથી. શહેરના ઘણા એવા હાઈરાઈઝ બિલ્ડીંગમાં NOC ન હોવાનો ખુલાસો પણ થયો છે. અમદાવાદમાં 60 મોલ પાસે ફાયર સેફ્ટીનો અભાવ હોવાની હકીકત પણ સામે આવી છે. આ સિવાય અમદાવાદમાં થોડા દિવસ પહેલા શ્રેય હોસ્પિટલમાં આગ લાગી ત્યારે તેની પાસે પણ NOC ન હોવાની વાત સામે હતી. એપ્રિલ માસમાં જ ફાયર NOC પૂર્ણ થઈ ગયું હતું તેવો ખુલાસો થયો છે.

આ વિશે મળતી માહિતી પ્રમાણે, અમદાવાદમાં ફાયર સેફ્ટી એક્ટની યોગ્ય અમલવારી નહીં થઈ હોવાની રજૂઆત સાથે થયેલી અરજીના મામલે ગુજરાત હાઈકોર્ટમાં અમદાવાદના ચીફ ફાયર ઓફિસરે એક સોગંદનામું રજૂ કર્યું છે. ચીફ ફાયર ઓફિસર એમ.એફ. દસ્તુરે કરેલા સોગંદનામામાં ચોંકાવનારા આંકડા સામે આવ્યા છે. અમદાવાદની 2022માંથી હજુ 700 જેટલી હોસ્પિટલો પાસે ફાયર સેફટી અને NOC નહી હોવાનો ઉલ્લેખ કરાયો છે. આ સિવાય 2385 ટ્યુશન ક્લાસમાંથી 185 ટ્યુશન ક્લાસમાં ફાયર સેફટી NOC નથી. શહેરની નાની મોટી થઈને કુલ 1200 હોટેલ રેસ્ટોરન્ટ માંથી 450 હોટેલ રેસ્ટોરન્ટ પાસે ફાયર સેફટી NOC નથી. આ સિવાય અમદાવાદના ઘણા હાઇરાઇઝ બિલ્ડિંગમાં પણ ફાયરસેફ્ટી એનોસી નહિ હોવાની પણ રજૂઆત કરાઈ છે.

આ પણ વાંચો:-  રૂમનો લોક કરીને ધોરણ 10નો વિદ્યાર્થી વાંચન કરતા સુઈ જતા પરિવારજનો ચિંતાતુર બન્યા

કોરોના મહામારીના આ સંજોગોમાં હાલ આકરા પગલા લેવાનું ટાળ્યું હોવાની રજૂઆત પણ કોર્ટમાં કરાઈ છે. ફાયર સેફટી એનઓસી મેળવવાની કાયદાકીય અને સામાજિક જવાબદારી નાગરિકોની હોવાની પણ રજૂઆત કરવામાં આવી છે. કોરોના મહામારીની આ સ્થિતિ થાળે પડે ત્યારે આવા તમામ એકમો સામે નોટિસ જાહેર કરી કાર્યવાહી કરવા અંગે પણ રજૂઆત કરવામાં આવી છે. આ સિવાય અમદાવાદમાં આવેલા 60 મોટા મોલ પાસે ફાયર સેફટીનો અભાવ હોવાની હકીકત સામે આવી છે. આ સિવાય શહેરની 300 ફટાકડાની દુકાન, 50 પંડાલો અને 80 જેટલા પેટ્રોલ પંપ પાસે પૂરતા ફાયર સેફ્ટીના સંસાધનો અને એન.ઓ.સી હોવાની પણ રજૂઆત થઈ હતી.

થોડા દિવસ પહેલા અમદાવાદની શ્રેય હોસ્પિટલનું ફાયરસેફ્ટીનું એનઓસી એપ્રિલ મહિનામાં પૂર્ણ થઈ ગયું હતું, અને આગ લાગી એ વખતે હોસ્પિટલમાં વેલીડ ફાયરસેફ્ટી એન.ઓ.સી નહોતી તે વાતનો ઘટસ્ફોટ કોર્ટમાં ચીફ ફાયર ઓફિસરે કર્યો છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -