BJP president CR Patil greeted all the sisters by tying ashes on their hands

ભાઈ બહેનના પવિત્ર તહેવાર રક્ષાબંધનની ઠેર ઠેર ઉજવણી થઈ રહી છે. ત્યારે ગુજરાત ભાજપના પ્રદેશ પ્રમુખ સી આર પાટીલે પોતાની બહેનના હાથે રાખડી બંધાવી છે. કોરોનાના કારણે માસ્ક સાથે બહેન સુરેખાએ ભાઈ સીઆરને રાખડી બાંધી છે. સાથે જ સી આર પાટીલે રાજ્યની તમામ બહેનોને રક્ષાબંધનની શુભકામના પાઠવતાં કહ્યું કે, ભારતીય સંસ્કૃતિના આ તહેવારની ઉજવણી આપણે દર વર્ષે રંગચંગે કરીએ છીએ. પરંતુ આ વખતે કોરોના સંક્રમણ હોવાથી આપણે ઘરમાં જ રહી સુરક્ષિત રીતે ઉજવણી કરીએ તે જરૂરી છે.

- Advertisement -

ત્રણ ભાઈઓ વચ્ચે એક બહેન

સી.આર.પાટીલે કહ્યું કે, અમે ત્રણ ભાઈઓ છીએ. અમારે ત્રણ ભાઈઓ વચ્ચે એક જ સુરેખા બહેન છે. અમારી જ સોસાયટીમાં રહેતી હોવાથી તેના હાથ રાખડી બંધાવી છે. ભાઈ બહેનના નિઃસ્વાર્થ પ્રેમને ઉજાગર કરતાં આ પર્વમાં એક સૂતરનો કાચો તાતણો પણ બહેન બાંધે તો પણ ભાઈની વર્ષ દરમિયાન રક્ષા થતી હોય તે ભાવને પ્રગટ કરવાનો આ તહેવાર છે.

ઘરમાં જ પરિવાર સાથે ઉજવણી

ભાજપ પ્રમુખ સી આર પાટીલે પોતાના જ ઘરમાં સાદાઈથી રક્ષાબંધનના પર્વની ઉજવણી કરી હતી. સુરેખા બહેને કહ્યું કે, અમે માસ્ક બાંધીને રક્ષાબંધનની ઉજવણી કરી છે. સાથે જ સીઆર પાટીલે કહ્યું કે, અત્યારના સમય સંજોગને જોતા કોઈ લોકો બહાર ન નીકળીને સુરક્ષિત રહે તે પણ જરૂરી છે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

આ પણ વાંચો:-  ખાનગી સ્કૂલો દ્વારા ફી ઉઘરાવવાનો મામલો, હાઇકોર્ટનો રાજ્ય સરકારને આદેશ

તમારા એરિયા ના સમાચાર મોકલવા અહિયાં ક્લિક કરો.