Gujarati News, News in Gujarati – ન્યુઝ ફોર ગુજરાતી | ગુજરાત સમાચાર - News4 Gujarati

president CR Patil says Diwali will be celebrated by winning by-elections in eight seats

વિધાનસભાની પેટા ચૂંટણીની તારીખો જાહેર થઈ છે. ત્યારે આ પેટા ચૂંટણીને લઈને ગુજરાત પ્રદેશ ભાજપ પ્રમુખ દ્વારા કહેવામાં આવ્યું છે કે, અમે આ ચૂંટણીને લઈને અગાઉથી જ તૈયાર થઈને કામગીરી કરી છે. ભાજપના કાર્યકરો ઉત્સાહમાં છે. પરંતુ ચૂંટણી જાહેર થશે કે નહીં તે અસમંજસ વચ્ચે ચૂંટણી કમિશન દ્વારા તારીખો જાહેર કરવામાં આવી છે. દિવાળી અગાઉ જ ચૂંટણી અને તેના પરિણામો જાહેર થવાના છે ત્યારે અમે આઠેય બેઠકો પર ચૂંટણી જીતીને દિવાળીની ઉજવણી કરીશું તેવો આશાવાદ છે. અમે પેટા ઈલેક્શન જીતવામાં માહેર છીએ. કોંગ્રેસની કોઈ પરંપરા રહી નથી અને તેમના કાર્યકરોમાં પણ કોઈ આશા નથી. જેથી લોકો સુધી સોશિયલ મીડિયા સહિત તમામ શક્ય સાધનોનો ઉપયોગ કરીને પ્રચાર કરવામાં આવશે.

- Advertisement -

કોંગ્રેસના કાર્યકરો નારાજ છે
પાટીલે જણાવ્યું હતું કે, કોંગ્રેસના ધારાસભ્યોએ રાજીનામા આપ્યા હોવાથી કાર્યકરો પણ તેના નારાજ છે. જેનો પણ અમને ફાયદો થવાનો છે. અમે અગાઉથી જ તૈયારીઓ કરી દીધી હતી. જેથી અમારા માટે આ તારીખો જાહેર થઈ એટલે વધુ પ્રચાર કરવો પડે તેમ નથી. પાર્લામેન્ટરી બોર્ડની બેઠકમાં ઉમેદવારોના નામ નક્કી થતા હોય છે તે પ્રમાણે જ ઉમેદવારોની પસંદગી કરવામાં આવશે.

ગાઈડલાઈન પ્રમાણે પ્રચાર થશે
સી.આર.પાટીલે જીતના દાવા વ્યક્ત કરતાં જણાવ્યું હતું કે, અમે તમામ રીતે ચૂંટણી જંગમાં ઝૂકાવીશું. સરકારની ગાઈડલાઈન પ્રમાણે પ્રચાર કરવામાં આવશે. સોશિયલ ડિસ્ટન્સનું ભંગ ન થાય તે રીતે ઓછી સંખ્યામાં લોકો ઘર ઘર સુધી જશે. સાથે સોશિયલ મીડિયાનો પણ ભરપૂર ઉપયોગ કરવામાં આવશે.

લેટેસ્ટ ન્યૂઝથી અપડેટ રહેવા Gujarati news online તથા Gujarat exclusive માટે ક્લિક કરીને જોડાઓ ન્યૂઝ ફોર ગુજરાતી સાથે.

આ પણ વાંચો:-  રાજકોટમાં 34 કેસ પોઝિટિવ નોંધાયા, 7નાં મોત

તમે અમને ફેસબુકટ્વીટરઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

તમારા એરિયા ના સમાચાર મોકલવા અહિયાં ક્લિક કરો.

- Advertisement -

LEAVE A REPLY